(曾智華)
老友「優雅Y」從事旅遊業多年，一如所有行業的翹楚，漸漸不會滿足只原地踏步，故不時諗點突破。
老老實實，今時今日搞甚麼「鬥平團」，或做999元玩到嘔逼豬仔購物回佣團，有乜滿足感？不過，既然這種團繼續存在，當然有其龐大需求。
Y姐早早衝破鬥平範疇，主攻中產優質團，最近再次提升，開拓歷史、文化及藝術混合團，發覺，咦\u22ef\u22ef大有市場喎。
每次皆邀請文化藝術研究專家隨團，作深入分析，解構每個景點，從歷史觀論及百年變化，這種提升個人視野修養的旅遊團，當然要貴一點，但原來優質客源源不絕。
昨天晚飯，咦\u22ef\u22ef一年冇見，可能搞文化團多，成個人由外形、氣質到衣著品味，全面文化晒。小第建議愛美女士，唔使浪費萬計金錢去搞醫美\u561e，去\u5413深度文化遊，遊完，會由內到外出現夢幻變化。
「優雅Y」近兩年專攻兩岸四地大學的學習團，剛剛又去完敦煌。
聽佢講，原來並非有錢就可參加，為確保參加者質素，想去，須經過嚴格甄選，以修讀歷史、文化研究、美術設計及建築藝術品的本科生為優先。
聽\u5413聽\u5413，立時有衝動問\u5413佢，下一團可否靜靜雞受埋我呢個老粗玩，因行程實在太吸引，除參觀所有充滿歷史價值的石窟外，更有特別優待（因行程由「敦煌研究院」策劃），可以進入不對外開放的石窟監測中心，親睹中國對文物保護、藝術臨摹及龐大數碼化保存資料的一切。
唯一小弟無法從佢口中得知，是行程中有乜美食。因旅遊中的食，對我這為食鬼至為重要。
臨尾Y姐話：「碌Sir，你的讀者質素高，想知多\u5572， WhatsApp我啦：91910433。」
