曾智華
今日講兩樣\u5622。
第一樣為上周小弟提及，參加一個長俸公務員老友退休歡送會，目睹年輕同事夠創意，送\u5497個日本大蜜瓜畀佢切，然後一邊切一邊嗌：「切勿瓜，切勿瓜！」寓意退休者可以享受長俸到天長地久，千祈唔好咁快「瓜」。
老友「大H」睇到，也拉我笑笑口講：「碌Sir，其實我早早發現一種探病恩物！\u55f1，人人探病多買袋橙、利賓納或葡萄適。我呢，講出\u569f你咪笑，係買冬瓜！意思簡單，正是祝病人朋友『Don’t瓜』也，這個與『勿瓜』也有共同意思的呀。下次你探病，買斤冬瓜啦！」
我當然唔會試，試都試「勿瓜」啦，起碼甜甜蜜蜜，即刻可食。
第二樣想講，為近日一個現象。
過去一星期，飯局話題主要兩個，一為匯豐私有化\u6052生銀行，另一則為《風林火山》。
討論第一個，人人較理性分析。
但轉入討論第二個，則頗多出現負面情緒與意氣，十之八九鬧到飛起。主要包括：有錢仔任性亂掟錢落鹹水海、都唔知拍乜、浪費大卡士演員、磨劍十年原來乃生鏽貨、根本唔識寫劇本也唔識導演\u22ef…你一句，我一句，從未見過一套「四億巨製」被人踩成咁。
聽\u5497幾晚之後，小弟發覺有個現象，睇睇此片票房，好鬼「拍烏蠅」喎。除國慶日大量因半價票入場觀眾外，10月2日開始已入座疏落，冇得呃，因所有戲院上座率，撳上網即一清二楚。
意即其實應該好少人睇過《風林火山》，但點解又好似人人都睇過，一踩時就個個加一腳呢？冇睇亂鬧，好唔公平喎。
我的推測，今次是香港捱生捱死打工仔對任性富二代反感的集體情緒大爆發，但係咪應該睇完再有根有據鬧呢？
