(曾智華)
馬場之內，乜\u5622古靈精怪、唔合理的事都會發生（這正是吸引人之處，若事事正路Predictable，又邊好玩呢？）。例如騎師跑到一塌糊塗，跑法難以理解甚至可疑，若是華人騎師，N咁多例子必被針對性反轉咁驗，外籍大師傅又如何？
介紹大家睇一場令人眼凸但竟然冇事的賽事，10月4日跑三班千八米，請睇睇該場騎「安可」的艾道拿如何「表演」。尤其最後一百米，馬就會發軟蹄\u556b，原來騎師都會發軟蹄，仲係明目張膽的，見過未？未見過就慢鏡重播呢種眼冤跑法睇\u5413啦。
咁都過到骨，小弟覺得要被研訊的，正是——（大大聲講）競賽小組！簡直好似食懵\u5497咁款。
講完勞氣\u5622，講單N年前發生的過癮\u5622。
凡跑馬，當然有駐場醫護救傷人員，以備不幸發生意外，立即第一時間作搶救。
某月某日一場賽事，「軟硬鞭」墮馬，救傷車飛快到現場，醫生第一時間檢查騎師有冇受傷，應否/能否繼續策騎，是否送醫院進一步檢驗。醫生發覺「軟硬鞭」無大礙，只是右手手掌腫起，建議佢退下火線。奇，對方竟話：「冇事冇事，唔使，我騎得。」
呢種五十五十情況下，醫生唯有放行。開跑，結果「軟硬鞭」隻馬大熱冇影，之後自己決定唔再跑。此時，醫生發現某位助手好似死老竇咁款，冇晒心機，詢問佢乜事。
「我見老潘剛才硬要騎，諗住佢隻馬必定贏得啦，於是去\u5497落500蚊W，點知\u22ef\u22ef原來佢同線騎師爆冷，可能死都要騎係為\u5b6d飛呀，今次我中正大大隻蕉囉。」
明日第二場四班千二米，「快活英雄」必熱到冇味。留意「非凡時刻」，上次冇去盡，今次大樹好遮蔭，買WP！
