(胡孟青)
世界正處於分裂時刻，發達容易搵食難，人人講創科，唔見得人人都用創科賺到錢。以前磚頭有價，香港人食盡老本，一旦好日子一去不返，一舖養三代變一舖蝕到喊，寫字樓空置率高企，吉舖滿街，有如當頭棒喝。搵出路唔容易，有人依然故我錢搵錢，見Labubu大熱，人買公仔佢買公仔紙，隻泡泡瑪特炒到起泡；全國只有三十幾間分店的金舖，股價竟一年升二十倍，賣兩條九金飾竟然估值貴過隻四條九，甚麼「金舖界 愛馬仕」，真係你夠膽講邊個夠膽認，正如當年炒茶餐廳股，大大小小分析員好評人創造「翻 率」，令估值合理化，小妹卻諗極諗唔明，點解一間茶餐廳 股票可以炒到三十幾倍市盈率，即係要三十幾年才回本，咁都算，竟然又有人肯信肯真金白銀接貨， 到今日肯定蝕到反 ，估值 估，果然係有斷估，冇痛苦，世界有時就係如此反智。
講開又講，隨著身邊漸多朋友完成供書教學及供完層樓兩大人生任務，開始籌劃退休生活，趁行得走得周遊列國，非常寫意。但供完層樓，又多了一個Happy Problem，跟銀行界朋友傾開偈，小小一層樓，樓契厚疊疊，諗住放入銀行保險箱，卻要排長龍，皆因近年很多客戶慣用網上銀行，銀行地舖分行買少見少，保險箱作為增值服務難賺錢，有錢都冇箱，放屋企又擔驚受怕，怕火燭怕水浸怕受潮，越來越多客戶為求銀行幫忙Keep住份樓契，明明唔等錢使，都加按借十幾二十萬元私人貸款，貸款利息就當作支付保險箱租金。創富不容易，保住財產更考心思。
