曾智華
由年輕時代開始，我就是個生蠔狂。中學時積極做暑期工及兼職，死儲爛儲，就是要到尖沙咀某酒店（忘記了名字）食自助餐，心中絕無其他食物，只專攻一味——生蠔。
上世紀六十、七十年代的自助餐生蠔，其實是殼還殼、肉還肉的，肉是急凍貨，放上殼，客人食完，殼送回廚房清洗，然後又再放上蠔肉出場。
基於大量客人是蠔狂，個個幾大唔執輸，希望食到盡，所以供應一定唔夠。點搞？好過癮，就是齊齊企在出菜門口等，當侍應高舉蠔盤（因放低少少已被兩下搶光）出場時，奇景出現，個個客，男男女女皆不顧儀態，好似打籃球般跳高搶。搞到經常侍應未行到自助餐食物長\u67b1前，已經清盤。
後來隨著踏足社會工作，經濟有所改善，就不用再跳高搶蠔，可以斯斯文文嘆了。
早年旅遊，也曾在英國、澳洲、法國等食個飽，滿足青年時代的渴求。踏入九十年代，食蠔最滿足為有人請客。請去邊？正是馬會董事餐廳或香港會花園餐廳，因兩皆供應頂級生蠔。
可惜最近香港會停止供應生蠔了，點解？免煩！因有客人中招，立時頭都大，可能更驚畀人告，於是斬腳趾避生蠔，不再供應。
最近小弟終又搵到了滿足生蠔欲之處，正是N年前不時去食燒牛肉的HUGO’s。此餐廳本早在腦海淡忘，但最近「肥女B」突然提議：「肥爸，若你有任何喜慶，我豪一次請你去狂食生蠔\u5416。」
「\u5413，乜HUGO’s有即開任食生蠔咩？」
「有，但當然唔會平，去食Weekend Buffet Brunch啦，紅白酒Free Flow！」
「肥女B」越來越豪氣，結果一家大細嘆\u5497頓久違的天倫餐，唔係嚇你，我食\u5497兩打生蠔！
