曾智華 精彩人生自己創
踏入9月，成個香港生返晒，因開完學再開馬，大家可知會帶動幾強勁經濟活動？
單單講報紙，周三早上排位，下午報紙檔立即回復陣勢。周四早晨，巡經附近便利店，間間一疊疊報紙明顯比暑假高。
從事發行多年的老友榮哥指，凡賽馬日，《星島日報》特別好賣，尤其在便利店，點解？因有電子優惠券，平兩蚊。另外，不少草根區日報再平一蚊，即共三蚊，好吸引\u35ce。未夠未夠，7仔買十二份送一份，即又再平。
小弟搭上《星島日報》這條船，當然想佢一帆風順。事實，本報馬經質素相當高。
明日開鑼，萬眾期待，因餓\u5497兩個月，儲埋好多「子彈」要發射，加上出馬如此踴躍，開鑼日投注額分分鐘再創新高！
今季競爭，騎師方面應冇大變化，仍會是「軟硬鞭」潘頓霸晒好馬，翻手為雲，覆手為雨，吹佢唔脹，\u63b9佢唔長，此乃近年香港賽馬的最無奈現象。
騎師冇得爭，但練馬師則大大不同，今年肯定打崩頭爭冠軍。
大熱當然是希斯，有七十二匹馬，當中未見光\u519a手猛料甚多，供應源源不絕，季中更可以再換血，加上佢澳洲有大牧場作訓練基地，可選取最優秀馬匹，操好才運來，這種優勢，只得蔡約翰可比，但神仙蔡上季鍊得太盡，今季應回回氣\u561e。
有兩個練馬師陣容亦好鬼勁，一為廖康銘，七十匹，另一為游達榮，七十一匹。兩位已熟習香港賽事模式，今季成績肯定大躍進，將直接令本地薑冇啖好食，尤其一向包尾幾位——丁冠豪、徐雨石及鄭俊偉，勢必粒粒皆辛苦。今季大反彈，應是黎昭昇，只得四十三匹馬，故季初即\u7793身場場搏，用戰績吸引馬匹加盟。「燈\u80c6將軍」冇得輸，但贏埋唔夠食餐兩\u9938飯。
