曾智華
偶爾下午\u63f8車聽電台節目，撳來撳去，咦，剛剛鄭裕玲在講出一\u5572真知灼見，並非講娛樂圈或玩口水多過浪花，而是講理財，語重心長，深入淺出。
當時小弟諗，其實Do Do姐應考慮開理財班（記住，不是投資班教人買乜買物），以拯救不少仍在金融苦海中隨時被\u528f的水魚。
鄭裕玲在娛樂圈以精明見稱，多年來不停自我增值，絕非一個普通藝人。
很早已知佢對處理個人財富相當有心得，很快已獲取財務自由，兼且並冇乜娛樂圈的惡習，生活健康，早已擺脫昔日「鄭九組」日夜顛倒的磨人生活。
鄭裕玲在節目中所講的，非常簡單，但全部一矢中的，包括：一、買股票不會發達，故佢從不買，也唔信人\u54cb話一堆號碼畀你跟就會搵到錢咁符碌。講到底，小投資者（不少即水魚）根本唔知自己買緊乜，點會賺錢？呢類高危搞作，留返畀專家啦！
二、切勿人\u54cb買樓你又買樓。對！擁有物業乃不少打工仔的夢想，但夢想還夢想，落決定前，必須再三衡量自己有冇實力，在未來十年八年或更長日子供樓。買樓不是買斤菜，乃一個非常龐大的財務負擔，一定要計清計楚，並且知道物業升值及貶值機會如何，一旦有需要，又能否出到手。此外，更要知乜叫Location、Location、Location這客觀因素。
三、不要亂買二手車，切勿貪平，以為外殼靚就買。二手車最易中伏是你不知上手發生過乜事，又或一手車主駕駛習慣，可有令汽車「內傷」。
總結，Do Do姐的「精明眼」，必定可惠及大量矇查查理財族。佢有形象，有公信力，正派正氣，開理財班可普度眾生，比講娛樂好得多！
