(曾智華)
馬會越來越多轉播國際賽事，真係睇到你滯為止，點解？唔使畫公仔畫出腸啦。
眾多賽事，最低級為南非賽馬，睇都 氣。級數最高，當然為歐洲的英國及法國賽事。澳洲也唔錯，但是似乎騎師的「藝術性」，仍遠離賽馬文化悠久的英、法。
英國賽事好睇唔好買，因經常幾十隻馬競跑。大佬，落注就似跑馬射蚊鬚。法國賽事好少少，出賽馬二十隻以內，容易度 。
老老實實，我輩香港馬迷，隔山買牛，識鬼咩，故此，多追住騎師 買，尤其莫雅、蘇銘倫及麥道朗等大名鼎鼎的，次次佢 一騎，香港彩池立即偏熱，冇乜博彩價值。
唯一個法國仔，幾年前開始，年年12月到港參加國際騎師邀請賽，小弟發覺佢騎功、鬥志及狠勁，遠超其他對手，正是2021年的法國冠軍巴米高。
認識此君的實力超級之後，凡有法國賽事，就買佢一注獨贏。基於始終在香港名氣不響，故賠率通常唔錯，尤其同場有大熱 飛。
上周日法國凱旋門大賽日，又用同樣一注獨贏投注法，巴米高出五隻，共買50元，睇馬。嘩嘩，結果兩W一Q兩P，全入前三名，問你服未？投注50元派218元，大豐收！
大家一定記住呢個法國高手！
講返今晚快活谷賽事，用勁大偏差的C加三欄C加六彎跑道。再提提大家，「跑道專家」潘頓清楚指出，呢條跑道排外檔馬勝出機會甚微，因若內欄有馬快放，好難追，大家循此思路度馬可也，勿拗氣。
最精彩應是第三場四班千二米，陣勢排開，有五隻排內檔馬有機會W，因全部有前速，若存心去，好著數，包括「新力」、「天下寵兒」、「渡月橋」、「凝聚美麗」及「獵寶勤」。
既然如此，就二重彩複式5蚊注，「重錘」100蚊，睇 佢開乜啦。
