關嘉敏（4日）到尖沙咀觀看MMA賽事，她坦言今次來偷師打算日後向《女神配對計劃》Matthew（黃家俊）報仇，因為當日被箍頸的畫面已經成為經典一幕，又指事後Matthew有意無意也想約自己去打拳：「我懷疑佢上次撻我唔夠，上次喺學校佢箍我頸，本身有張墊喺地下，佢諗住撻我㗎，但因為我着校裙所以就冇，而家有意無意問我打唔打拳。」
關嘉敏與Matthew性格爭太遠
關嘉敏指仍未答應，笑說去之前必須要先學定幾招報仇，問到兩人是否越打越愛？關嘉敏即大反應地「吓！」了一聲，然後說：「唔係呀，唔係呀，我覺得係幾搞笑嘅一種化學作用，又唔係愛情嗰種，因為我同佢嘅性格爭太遠，好極端，唔知點解佢做反應嘅時候我就會覺得你咁搞笑嘅。（即係撻唔着？）未撻得着，仲了解緊。」問到Matthew是否會跟她一起過中秋，關嘉敏表示對方有提過，而自己爸爸也歡迎對方和梁敏巧及Matt一起來食飯，但因自己中秋要開工，疥沒辦法，到時看收工是否會相約一起賞月食月餅。
對於《女神配對計劃》有意製作第二季，關嘉敏表示不想再參加，因為很虐心，自己也用了一點時間來處理情緒：「同埋我參加咪即係keep住單身？其實都唔係一件好事，（而家你未成功！）失敗乃成功之母！」不過她就爆好友林鈺洧想參加，提到對方已有對象，關嘉敏反問：「係咩！我唔知嘅，真係有㗎？（佢有馬先生！）唔係呀，我唔知呀，佢話佢想參加，咁我話幫你同監製講吓，佢都適合參加，因為佢性格幾大情大性，如果佢參加應該幾好玩。」
相關文章︰梁敏巧神助攻Matthew黃家俊「見家長」 關嘉敏爸爸流晒口水？ 細節證對年薪200萬才俊印象佳
對於《女神配對計劃》有意製作第二季，關嘉敏表示虐心不想再參加。
關嘉敏與Matthew始終撻唔著。
Mattew未能奪得關嘉敏芳心。
關嘉敏表示，Matthew與她的性格爭太遠。
問到Matthew是否會跟她一起過中秋，關嘉敏表示對方有提過，她不置可否。
對於《女神配對計劃》有意製作第二季，關嘉敏表示虐心不想再參加。
上月《女神配對計劃 最後告白》一集，Mattew向關嘉敏使出一招「生無可戀鎖頸」。
