有網民在中秋節前夕，到本港一間連鎖蛋糕店拎取早前訂購的月餅，食用時發現，兩盒月餅分別有一半放錯款式，她向店家投訴貨不對辦，懷疑遇上AI回覆，以離譜的超怪回覆令樓主更加嬲爆：「當其時真係呆咗……拎錯令到件事好似好合理咁？！」
連鎖店月餅出錯疑AI覆客火上加油 離譜回應「貨不對辦」投訴 苦主嬲爆：令到件事好似好合理咁？！↓↓↓↓
有網民在社交平台投訴一間本港連鎖蛋糕店出售月餅貨不對辦，樓主以每盒$258元分別訂購兩盒「流心堅果禮盒」，每盒分別有4個月餅，當中2個為花生醬款式，另2個為黑芝麻麻糬款式。
樓主到店舖取月餅時發現，「月餅唔係一早已經放喺盒度，係店員喺雪櫃拎獨立包裝放入去的，而包裝係冇任何標籤」。
月餅包裝無標籤 店員臨時入盒
樓主無從確認「邊款打邊款」，加上「個店員好Firm咁講咗係花生醬同黑芝麻，咁當然係相信啦」，結果回家拆開食用，發現兩盒中的黑芝麻麻糬款式，竟全變成伯爵茶款式。
她以Whatsapp即時通知店家，投訴：「你哋個包裝乜嘢都，冇月餅味，乜都冇，見你哋同事都係雪櫃就咁拎出嚟，要個客食落去先知道係食乜嘢。」
該店竟然回覆：「你好，抱歉，我哋下次會改進的。」樓主在帖文中表示見到該回應「疑似AI gen出嚟」：「當其時真係呆咗，其實你嘅嘢已經錯咗又點會仲想買第二次？下次會改進又有咩用呢？而家講緊當下呢件事貨不對辦。」
樓主唯有繼續追問：「當然我有繼續要求佢去處理件事，到最後店員叫我去拎返新的兩盒。」
換貨發現店舖已搬
樓主對於店家處理事件的手法表示強烈不滿：「其實係咪覺得畀過個客就可以當件事冇事？然後用疑似AI gen出嚟嘅答法覆個客就算，店舖同員工嘅訓練唔足夠，包裝竟然冇寫係咩味道，拎錯令到件事好似好合理咁？！」
樓主其後出帖表示，到該店旺角分店換貨時，竟又發現間舖「冇咗」，她打電話去問，原來店舖已搬，她無奈表示：「打去，話IG有講，大佬，你叫得我拎，好心就提吓個客啦。」樓主截圖看到，店家其後有就此致歉：「我哋都係唔好，冇提到你地址。」
無標籤？網民：畀咗個錯款人哋食物敏感咁點算
網民一面倒批評有關店家處理事件的手法：「冇label係第1個錯，員工俾錯你仲一口咬定係啱係第2個錯，佢唔提你搬咗舖係第3個錯，仲要話咁啱你睇唔到，態度直頭錯上錯。」
「無標籤得嫁咩，畀咗個錯款人哋食物敏感咁點算，同埋啲貨擺咗幾耐無人知，食物安全咁流嘅，仲要咁串。」
「勁差，是是但但交功課。」「依家係我俾咗錢但得到d，唔係想要嘅嘢。一係換貨一係退錢，無第三個option。」「啲月餅咁樣label 都唔加張…仲要即時執貨，都好信得過員工。」
來源：lamthegi＠Threads
同場加映：老父學識網購買17公斤內地月餅來港 兒子：想搵返細個食過嘅款式 好多喺香港絶跡！↓↓↓↓
