我相信，人皆有貪便宜的心，看你貪得多不多？過不過分？
像到酒店吃自助餐，當有龍蝦或長腳蟹出爐時，不少食客像獵豹見到獵物，閃速撲至，三扒兩撥，放滿食物碟，拿回餐桌享用。可惜眼闊肚窄，只能吃掉七成，餘下的食物就此擱在 上，讓侍應清理扔掉，多麼浪費。
也像街頭不時會有飲品商擺攤位，宣傳剛推出的新飲品，只要追蹤品牌的社交平台，便可獲一瓶贈飲。既然唔使錢，不少人都會排隊 著數。
小便宜如酒樓的牙籤和濕紙巾，你可曾會袋走少許，以備不時之需？「有時 抹手，好方便 ！」
不過勢估唔到，竟然會有一對情侶，在荃灣某食肆幫襯海鮮火鍋放題時，明明已經擺滿食物在 上，都未食得晒時，貪念暗地萌生，將大量肥牛、生蠔、海蝦、魚片、公仔麵和蟹等食物，「唔覺意」放入自備的環保袋和膠袋，目測可以夠食多三餐。
當被侍應上前踢爆時，肥仔食客不認不認還須認，唯有乖乖交出贓物，未能成功又食又拎。
這個肥仔食客的身形酷似卡通人物胖虎，挺著脹卜卜的大肚腩，估計食量超於常人兩倍，去食海鮮放題，根本著數到暈，食多人 咁多，仲貪乜鬼心 ？
當徒手從膠袋拿出幾抽澳洲M5和牛歸還侍應後，他緊張地用同一隻手摸頭髮，又肥膩又黐 ，真係水洗都唔清，起碼要用半支洗頭水呀該煨。一邊洗可會一邊諗 ，到底減肥先，抑或減少貪念先？
