有港男到便利店增值，入500元，最終金額竟變700元。就多出的200大元，事主以一方法處理後，即引起網民警覺，並提醒當中或潛在一大疑點。詳情見下圖及下文：
便利店增值入$500竟變$700 港男一做法惹網民警覺逐張睇↓↓↓↓
樓主當場呆咗
樓主本月2日在社交平台Threads以「工作日常」為題發帖，指「去7仔（便利佔）增值，俾$500入晒，個職員入咗$200，話佢入錯咗，佢即刻入返$500」。
樓主續指，「當場呆咗，大可一走了之，諗諗下人哋都係打工，可能會賠錢，而且第一次見佢喺度打工，打工仔何苦為難打工仔……」。
相關閱讀：小心！八達通離奇收款$500 伴隨威嚇退款電話 事主求救網民疑新型騙局 官方回應教咁處理
網民：謝謝你是好人
樓主事後列出工式補充「我係俾完即拍卡嗰啲人嚟」、「俾$500，佢前後入咗$700，俾返$200俾職員」。
一念天堂，一念地獄，有往好處想的網民大讚樓主好人「我當年初初出嚟做收銀，埋數賠2蚊我都難過一天。謝謝你是好人」、「啲錢洗咗出去，佢玩個圈，會帶更多錢源源不絕返嚟搵你」。
網民：佢用呢招搵錢
但有往壞處想的人即時提高警惕，指「佢用呢招搵錢你仲onＸＸ覺得唔好追究」、「你發現唔到佢咪賺$300，已經係佢5-6個鐘人工」、「一念天堂，無諗人哋存心想食你3嚿，你好善良，不過個世界對善良嘅人唔太友好」。
大好人樓主則現身回應，稱「善良在於對得起自己，就算傷過，起碼善代過自己」。
相關閱讀：八通達增值離奇變「減值」？！夫婦便利店增值$200 八達通反減剩$14 7-Eleven回應公開最新調查結果
網民：增值都要叮到實
另有人分享類似經歷，表示「我試過入$500，佢收咗我張$500，但入$200，好彩我即時發現，如果唔係我蝕到入肉」；「試過入錢$500入晒，部機顯示$200我無放卡。我話入晒喎，阿姐話係呀。我指住部機話顯示$200，佢先話唔好意思，見$500就放卡」。
於是有人提醒，入便利店增值都要叮到實，「Alipay個啲睇app實時update（更新）餘額；八達通𥄫住收銀機個mon（熒幕）餘額」、「永遠睇到到咗數先會行開，就算趕時間都係」。
資料來源：ben_cmy＠Threads
相關閱讀：便利店支付寶充值$500驚變$5000 好心港女歸還$4500 收銀員竟然咁樣做↓↓↓↓
有港女到便利店替支付寶充值元500後，望一望單據值竟發現增值的銀碼大增10倍驚變5000元，在嚇壞的同時也好心地給收銀員歸還多出的4500元。過程期間，對方竟然做出一件一時間令人難以理解的事↓↓↓↓
