曾智華
馬季\u551e暑，今年好似特別短，點解？因為馬會安排的「美沙酮」超級有效也。
不停播放海外賽事，周日可以去到十一、十二場，幫馬迷頂住癮先，以免悶到發慌做「\u510d事」（例如走去澳門進貢）。留住馬迷，留住賭注，等於留住稅款與善款，功德無量\u35ce，知冇？
「殊」一聲，香港馬季三星期後開鑼了，各路人馬當然要回防，須知部署一匹馬出擊，隨時要三兩個月\u35ce。
騎師去\u5497旅遊的，更要提早回港高速減肥，回復Top Fit狀態。
講到騎師，小弟非常替一位法國仔唔抵，正是賀銘年。剛季在香港成績差到不得了，跑足全年，只贏十二場，比九個華人騎師包括見習的黃智弘及黃寶妮更少頭馬，難明！
結果，騎師榜排第二十一，幾乎包尾，黯然離去，被逼重返法國搵食。
但奇過蒙太奇，賀仔一返到祖家，仿似即時變\u5497另一個人。大家若有睇上周日法國多維爾馬場海外直播賽事，必會發覺在港跑到幾乎發霉的賀銘年，雖只跑三場，但場場犀利到飛起，殺下兩W一Q，交出極亮麗成績，兼且三隻皆好分，分別為九倍至十六倍。
馬迷皆知，當今賽馬世界最高水準騎師，盡在英、法。賀銘年面對的「大卡士」包括巴米高、蘇銘倫、紀仁安、杜滿樂、柏士祺、蘇兆輝及馬昆，件件國際一級猛將，香港馬迷心照。再三翻睇巡邏影片，冇一場賀銘年是靠符碌的，即其實佢騎功相當之高。問題是，為乜在香港竟然幾乎撻落騎師榜包尾？有冇人可以畀一個具說服力的答案小弟？
其實，過去法國騎師在香港不少也甚勁，例如冼毅力及巫斯義，點解去到賀銘年就出現「香港跑與法國跑判若兩人」的呢？唔該咪只用陰謀論解釋！
