曾智華
談判，並非小弟杯茶，因覺得好麻煩，雙方不停互嚇、互\U00020c41、互摸底，過程中要不停扮晒\u5622。目的一個，為己方取得最有利的位置（價錢）。
談判，絕對講雙方實力及邊個需要邊個多\u5572，手上持有多少籌碼，其實一切都有得計，然後再加上談判代表的技巧。特朗普至今關稅談判大致贏出八成，正因其他對手計計數，唔夠佢鍊。
但中國唔同，幾年前同佢鍊過，已知對方的牌路，故在拜登執政時期，速速全面搵出可卡死對方之處，再制定博弈策略。到狂特第二任時，談判武功已大大躍升，基本可以玩到五十五十。
講談判，正常社會，尤其商場，日日要進行。最常見是買方與賣方，業主與租客，後者接近租約期滿時，就大玩心理戰。
前晚到某相熟酒樓開餐，一如以往，爆晒。老友，今時今日能晚晚爆滿的酒樓，請問有幾多間？奇事在我要求取冰塊浸白酒時，經理尷尷尬尬答：「碌Sir，唔好意思，打冰機壞\u5497，老闆冇買新的。」
\u5413，打冰機都唔買？想點？
立即偵查，原來此乃談判策略，因業主見酒樓咁好生意，竟獅子開大口，要求約滿加租三成。嘩嘩，今日香港乜世界，加三成？業主夠膽咁開，正因見到你晚晚爆，仲唔大刀斬？
不過，你精我唔呆，酒樓老闆立即採取唔傾策略，因睇死通街食肆執笠，舖位滿約，只有兩途——減租或丟空養老鼠。
為嚇業主，表明冇興趣再做，所以唔置新\u5622外，壞\u5497亦唔買，擺出等收工格局。
究竟拉鋸戰邊個贏？有似中美談判，最後可能雙贏，大家\u651e返個彩繼續跳舞。理應冇咁蠢玩雙輸，除非你「豬錦春」！
我睇新約應該好快傾掂，然後老闆掟錢大裝修，繼續玩多三年。
