女團COLLAR成員Marf（邱彥筒）今日（18日）在西九出席時裝活動，她指入行後也會多了留意時裝動向，平時跟男友林家熙（Locker）也會互相幫忙襯衫，男友對她的配搭沒有不滿。
Marf︰希望魯庭暉冇咁忙
提到她早前和男友一起到意大利參加Tyson Yoshi的婚禮，問到是否有取經？Marf斬釘截鐵地說：「梗係唔係！我不嬲都冇結婚夢，覺得佢係一個Event，唔當工作咁睇，結婚只係一個騷。我覺得Tyson同Christy做得十分好，覺得好似係我自己嘅Event，佢搞到好似唔關佢哋事咁！佢哋都好忙，真係辛苦晒！（見到佢哋咁辛苦就唔想結？）冇特別話想唔想。」至於男友意向，Marf表示沒問，她認為結婚需要看天時地利人和，到時的經濟狀況，一切隨緣：「睇吓咩心理狀況，可能到時70歲，我就會想簡單，喺草地就算，（等到70歲？）你唔會知，可能又冇呢個緣份，可能我唔想結。」至於Tyson近日被ProdiG質疑人格，Marf就大讚Tyson是一個好Sweet，有情義又有內涵的人，「人與人嘅交往你冇辦法評論，同埋你唔會知，我自己睇到佢就係一個咁嘅人。」
另外，魯庭暉日前離任MakerVille後轉投華納，Marf指公布前魯生有通知他們，雖然不捨對方，也戥他開心，望他轉換新環境後，沒那麼忙碌，可以養狗、放假，成功減肥。問到魯生離開是否影響她的發展？Marf指這是未知之數：「換咗人，公司一定重新去計劃一啲新嘢，我覺得佢哋有新打算，都期待同公司人傾，話畀佢哋聽我哋想點，（同金廣誠開會未？）其實我哋成日喺公司見，係好熟，金生好錫我哋。」而提到COLLAR 8月底舉行的演唱會，她表示會跟上次大有分別，自己也很期待。
