(曾智華)
香港驕傲？乜\u569f\u35ce？
我百分百理解不少人對香港好大情緒，但小弟素來喜歡白就白、黑就黑，絕對唔會明明係白，因情緒蓋過理智而講到佢變黑。
例如過去三年，香港的確出\u5497不少令人驕傲的運動員。無論你政治立場係點，都應該給予掌聲，給予鼓勵，才算是個公平的香港人。
運動員出色，不過，講到公共建設，又另一回事，甚少有全部市民共識的「香港驕傲」。
花上二千多億元建成的國際機場，開幕倒瀉籮蟹；香港自家管理的海洋公園，蝕到攤攤腰；至於郵輪碼頭，更「慘不忍睹」，簡直生意人墳墓，邊個開檔做生意邊個死。以上三項，全部天文數字建成，由自己人管理，除國際機場已上軌道外，其他兩隻大白象，唔知點收科。
另外，香港大球場也如是，拆\u5497以前的政府大球場改建，本來諗住日日舉辦大型球賽及演唱會，結果？因冇天幕隔聲及冇全場冷氣，一開演唱會就被附近豪宅居民狂投訴，搞到變「細細聲演唱會」（冇晒氣氛，\u5625氣），真係搵阿水肯去開演唱會\u561e。
加上香港球市唔爭氣（近兩年好少少），入場冷冷清清，結果蝕到啞\u5497，又一大白象。
啟德園未開前，基於咁多瘀爆前科，邊個會有信心\u5416？小弟三番四次在本欄大聲疾呼——唔該正式開放前做足Dry Run呀！
結果？希望越低就越有驚喜！
去過啟德園的所有朋友皆無怨言，尤其上周去睇過英超者，更舉起拇指讚：「氣氛正爆玻璃！」曾在啟德園主辦大型活動的老友也話：「整體而言，比想像中好，尤其夏天冷氣由椅出，殺晒。」
我打蛇隨棍上問成本如何？「平均千七蚊一位，但值\u35ce！」終於有「香港驕傲」建設誕生了？
