曾智華 精彩人生自己創
其實唔使人話你知，大家心照，香港人好多怨氣，結果谷出好多情緒病與悲劇。但你怨我、我怨你，然後又怨天怨地怨政府，有用嗎？盞情緒黑洞越來越深，不知何時才能見到曙光。
小弟好早好早已知，自己的一切，必須靠自己，切勿旨望靠他人幫。自幼家父已傳授——做人咪變大喊十，打落門牙帶血吞，有難題，自己諗掂點解決。
有\u5497呢種心態，好正，當成日見人怨呢個怨\u55f0個時，我只笑笑口，個心諗：「乜你新\u569f\u5605咩？乜有人欠你人生一個玫瑰園咩？為乜唔自己親手栽種呢？」
你唔識栽種？冇問題，開放胸懷去接納及接觸別人啦，好多人願意與你做朋友\u35ce。例如，幾乎所有宗教及社福機構都有長者中心及社區中心。你年輕，可以去做義工幫人；你年紀大，則可以去參加活動，接受別人的服務。
我呢，唔想做被動者，所以自己主動組織「慈善同學會」，最大好處為所有會員由我一手揀，有共同價值觀、合眼緣、有教養、有禮貌及人品優良才接納。
有\u5497一群同聲同氣者，就可搞大量正念活動，享受美食、音樂、電影、旅遊、智慧提升\u22ef\u22ef一邊快樂一齊行善，令更多弱勢人士能受惠。
呢個世界，不一定是球場或商場，只得你贏或我輸，點解唔可以Win Win？
如今我日日搵的，不單是Win Win，而是要All Win！
我Win，參加者Win，表演者Win，食肆經營者Win，樂手歌手Win，智慧分享者Win\u22ef\u22ef
正念活動令每個新入會者皆有同一感受——上晒癮。因多是在人生中首次發現，原來竟有咁開心好玩的團體！靜雞雞話你知，個別好快已經食出\u5497個肚腩呀！
