(曾智華)
有朋友搞笑說：「老友，你想壞心情，好易，凡留言版都睇啦，\u55f0度滿是負能量爆炸人，乜都呻乜都怨乜都窒乜都鬧乜都睇唔過眼，仲有係粗口橫飛，總之人生最醜惡最尖酸刻薄的形容，有齊。」是否所有留言版皆如此？唔清楚，但肯定凡完全公開，係人都可以留言的，必有以上情況出現。
我認識不少網上直播節目負責人，直播節目與觀眾互動，當然也有留言版，最挑釁最惡毒最冇品的批評，全面湧出，節目主持人一邊做節目一邊睇，激到紮紮跳，經常\u3deb過\u712b雞，個別反應簡直扯晒火。
小弟忍唔住向負責人講：「第一，你\u54cb回應班無聊友，多鬼餘；第二，佢\u54cb不少根本想搞\u3deb你，咪中招；第三，作為觀眾，聽主持人與尖酸留言惡罵，好影響心情，也令節目質素下降。」
我的提議，正是自己過去八年在社交平台所做又成功的——全面趕走劣質留言人。
首先聲明，社交平台是我的園地，一切規矩就由我定，你唔喜歡，咪睇。但若在留言版發爛渣，絕不會事先警告，立即鎖戶！道不同不相為謀，我冇收你錢，你非我客人，所以請離（趕）權，百分百在我手。
奇怪現象是越趕劣質留言者，優質Follower越多，最近已破十二萬，仍日日在上升中。
留言者中，有種尤其討厭，起初我會忍，但忍忍\u5413發覺並非辦法，唯有將網再收緊一點，因冇興趣與呢類人糾纏，\u5625氣。
例如，當我指出台灣民進黨搞大罷免一鑊泡肉鬼酸時，就會湧出留言：「你只批評民進黨，點解又唔鬧下國民黨、民眾黨、共產黨啊？乜佢\u54cb好完美咩？」
批評任何事，並非開機關槍橫掃，我選擇批評乜你都管？請Get Out，鎖！
