曾智華
雖然實體報紙基於客觀形勢（成本重、電子化……），肯定會逐漸式微，但小弟認識的不少退休重量級人馬（前高官、法官、人大代表、議員、公營機構主席及CEO、傳媒老總\u22ef\u22ef），原來皆《星島日報》長期讀者。
人必有慣性，當日日睇開一份報紙時，就會長期繼續追，無論是在職或已經退休。
《星島日報》乃正派傳統老報，故此，政府及建制大機構掌舵人馬必讀，正因此，間中會瞄到小弟寫乜。
上周本欄標題《我監察你，我監察自己》，原來觸動不少老友神經，紛紛來訊息：「碌Sir，你要寫多\u5572。呢個時代，挺身仗義執言撥亂反正的聲音日漸式微，再下去，香港一切優良價值將會不知不覺消失。」
講乜？即是大家都覺得立法會個「監察委員會」好唔妥，邊有人自己監察自己咁符碌\u35ce？尤其早前議員「高佬何」開會中炒股，被傳媒影到斷正，但佢所屬政黨個紀律委員會粒聲唔出，扮\u5413\u5622譴責都冇，當市民透明。由此思路推想，他日有議員犯規，大眾邊可能有信心班「我監察政府，但我又監察埋自己」的議員會\u569f真？起碼我的重量級人馬朋友，個個肯定班友必互相包庇「圍威喂」。
若一開波就冇公信力，點行落去？
過去幾晚江湖飯局歸納意見，全部是希望梁君彥聽到啦，快搵外邊德高望重者做監察！
大家七嘴八舌列出市民會「服」的人物，包括：立法會前主席范徐麗泰、曾鈺成；前高官林煥光、俞宗怡、劉吳惠蘭、蕭炯柱；馬會前主席陳南祿；金管局前總裁任志剛、陳德霖；前大學校長梁智仁、陳坤耀、張炳良、張仁良、李國章\u22ef\u22ef
若再有需要，我\u54cb呢班「愛國愛港者」會繼續提供。
