曾智華
幾十年前開始研究賽馬，有智者給予錦囊：「阿碌，凡見冇得輸的大熱，你就咪慳，記住食全餐，因呢類場合，開大熱、次熱Q的機會相當低，反之，『隊』幾隻十倍入腳可能性相當高。」
你可以用陰謀論視之，也可以當是練馬師的一個部署。總之，多年來觀戰經驗，完全印證智者所言。
不過，可能自己個腦日漸退化，沒有時時醒起這個寶貴經驗。
上周日本欄認為三級賽慶典盃中，「祝願」機會最高，結果一直大熱兩倍，百分百信心飛也。咁環境，有乜理由唔Q及二重彩食全餐\u5416，真係似食\u5497懵仔丸！
果然，當「祝願」擺明Sure Win時，潘頓次熱隻「光年魅力」，立即玩唔知死\u5497去邊，扮\u5413跑就算。於是乎，就湧\u5497一隻九十九倍大冷「合夥奔馳」入腳，Q派1010元，二重彩派987元。你話我是否應該撼頭埋牆？
輸完又\u569f玩過。
今日繼續跑三級賽「國慶盃」，相當冷落，只得八匹馬跑一千米。
首先飛起幾隻，「精算暴雪」非此程馬，可能出\u569f幫「氣勢」做步速或阻住其他馬。
「舉步生風」潘頓唔吼兼一千米已嫌短。「魔術控制」明顯一百分W完已經Peak\u5497，之後再冇表現。「天天同樂」超過半年冇跑一千米，早改跑千二米，縮程不可靠。「水晶酒杯」最擅長一千米 ，但大蝕分。
要偷雞，「賢者無敵」可考慮，因此馬特擅一千米，此程出六次三W二Q，已經一季未W過，今次配奧爾文，一定有得分，必須留意。
最正路當然是「氣勢」。馬會前主席及前大法官李國能愛駒，唔好唔出，次次\u569f真，W一定要用佢做膽，拖Q及二重彩食全餐。潘頓隻「美麗第一」又如何？有布文就冇潘頓啦。
