專業傳媒人必須有一種天性——事事好奇（即係八卦）。唯有如此，才會做得積極外，天天有料落鑊供給受眾（觀眾、聽眾、讀者、網民 ）。
呢種好奇天性，絕不能有錢收才有，否則會做得好辛苦。
相反，傳媒人多是生下來就八卦，事事想尋根問底，冇錢都照做，這種人才會成功。
小弟有一行政治Beat老友「尋根M」，正是人辦，高官及議員真係唔得佢死。因M姐會為追查一項政策是否無疾而終，又或證實某某政客前言不對後語屬大話精，可以不惜翻查N年前政府檔案及立法會記錄作證據。呢種精神及毅力，千中無一，故受盡行內尊敬。
講返我自己，多年來為日日有 講、有 寫，已習慣性一起床就撻著好奇心（四圍八？），不停約呢個 個索有趣的料提供「市場」。所以「交遊廣闊」及「食盡天下」有大半是專業需要，當然，小弟也好享受過程。
前晚又與大狀L摸酒杯，乘機問：「大狀，你 日日戴假髮，使唔使洗或點洗 ？」
「碌Sir，答案係——唔洗！晉身大狀後用的假髮，開頭白色的，日子有功，會慢慢變黃，越黃即是你打案越多，經驗越豐富，武功越深厚，出庭時氣場都勁 。」
「咦 越黃等於越有料，咁淘寶有冇得賣？」我搞笑問。
「咪玩，當然冇！但二手大狀假髮，英國有售，不少當地新大狀為扮 ，會買二手貨。」
大狀L又指，每一行有每一行的外型要求，大狀乃非常著緊衣著的專業。上庭時，連恤衫袖口由黑袍中突出幾多都有考究。故為達標準，要用布橡筋在手臂上箍死衫袖位置
大老爺睇各狀師出庭個款，可能已經暗暗打下印象分，絕對影響贏輸 。
