曾智華
N年一遇的超強颱風樺加沙搞到香港大亂，全港馬迷罰停賽一天，困家中發呆。
打風日子，好在已有明天排位表在手，一於專注度千四米三級賽慶典盃形勢。
「智取神駒」非千四馬，呢場擺明熱身。
「球星」乃G1馬，早改跑大長途，今季目標為國際賽，當然唔會吼呢場，又係熱身。
巫偉傑出兩隻，兩皆似樣！「和平波」上季六十六分起步，踏入今年大爆發，2月份開始一W三Q兩P，今季初出千四再入位，必須尊重。
另外「但求開心」5歲，踏入大熟期，季初在千四米勝出，加七分，未盡，要睇！
廖廄鎮倉寶「祝願」4月跑完休息，\u551e足五個月，全無傷患，今季當然對準國際大賽。睇\u569f想在此「低班賽」（此馬為G1中堅）先執一W。
「越駿歡欣」在一百分勝出一場後，繼而十二次賽事未再W，應是P馬。
「陽光勇士」早改跑千六米，千四米已嫌短。
「玩笑」也如是，已改跑長途，馬房在試千六、千八及二千米，早有藍圖，不應縮回千四搏。
游廄兩匹，「維港智能」月初毫無表現，大敗而回，唔使睇住。
但「光年魅力」完全不同，一直畀潘頓霸住騎，視為私家馬，出六次千四，四W一Q一P，絕不側側膊，大賽棋子，去硬。
呂廄馬海戰術，出四隻。「合夥奔馳」未勇，要等時機。「手機錶霸」演出穩定，上季出十次，兩W兩Q兩P兩第四，極準繩，這場入P機高。「包裝天將」乃鎮倉寶，出賽十一次，六W一Q兩P，顯示鬥心強橫，呢場會搏！「開心寶寶」冇W相，只可爭P。
呢場最高實力「祝願」及「光年魅力」，但不會一Q返\u569f，二重彩膽拖「和平波」、「但求開心」及「包裝天將」可也。
