今日標題是否很嚇人？你一定問，喂，訪問名人咁風騷，點可能做到崩潰呀？有冇再誇張 呀？
絕對冇，此乃我親身感覺。
當然，一般名人訪問唔難做，尤其如今「由治入興」後的高官及政界人士訪問，真是易過借火，咁有乜名人訪問會做到崩潰？
話說1987年，小弟其時仍然幹勁沖天雄心勃勃，在廣播界開創一個甚少人做到的節目《清談一點鐘》，誓要每周直播訪問一位不同界別的頂尖人物。開始之後，才知領 ！
因自己定下天咁高兩大準則：一、必須為猛人；二、必須為直播。
當年你曾智華係乜水？猛人點解去你直播室畀你「盤問」？個個有頭有面，直播？講錯 點搞？所以，初初開波，食檸檬食到暈。
龐大壓力來自個個星期要有具吸引性嘉賓「落鑊」，點搞？起初只好搵逢請必到、逢到必早的民選議員，做做 做出口碑，就開始請高官，由處長到局長再到政務司司長及末代港督。
商界方面，也由中富豪到大富豪。打工族就由普通CEO去到全港最頂尖的鄧蓮如。
好似好巴閉，其實個個星期活在惶恐之中，今周唔知下周事，晚晚失眠，壓下壓下，由精神緊張變瀕臨崩潰，終於搞到睇臨床心理學家，再見精神科醫生食長藥。
食得鹹魚抵得渴，無怨無悔，人生經驗矣。從此「金盆洗手」，咪再搞阿叔，改為欣賞同業的名人精彩訪問。
以前小弟做訪問，愛尋找刺激，喜歡用「盤問」語氣。今天世界不同了，引人講 ，其實應先令對方放心，才會有信心與你作深層次分享。
推薦大家睇《馬時亨．獅子山精神》，尤其明晚訪問嘉道理爵士，一個絕少曝光的傳奇人物。
