曾智華
昨日講到自己一人去九龍塘又一城睇長者早場，諗住捧「地上最強爸爸」里安納遜新片場。
點知呢套《神探零零甩》認真騎呢，搞到里安變早年《歡樂今宵》的阿叻，乜都得啖笑，完全與其有情有義充滿愛心行正義的英雄人物形象大違背。
好鬼冇癮，終於頂\u5497三十分鐘拜拜。又一城消費200元有兩個鐘免費泊車，咁就一於行去超市，買夠350元（長期客戶免費送貨）紅白酒汽水。
\u651e住張單到禮賓服務處吸飛，早上十點半，未開，貼出告示請客人將車駛到出閘更亭，由護衛員處理。按指示，「殊」聲已駛到更亭，伸手將單據遞比對方。點知對方少少尷尬地笑：「先生，你今次冇免費喇。」
「哥哥，我張單350蚊，應該有兩個鐘免費喎，點解冇呢？」
佢施施然一指，指向放車出入的欄桿：「唔好意思，已經升起\u5497喇。」
「欄桿升起關我乜事呢？點解佢會升起呢？」我當然有點不悅。
護衛員老哥見太早又黑雨，前後皆冇車，笑笑口耐心地解釋：「\u55f1，因為你入\u5497My Festival會，已經轉\u5497信用卡付款，畀錢全部用免觸式。當你架車一使到閘前，唔使再拍任何卡，電腦就會指示開閘，錢就在信用卡直接扣\u35ce啦。」
「喂喂，我唔係有兩小時免費泊車\u5605咩？點解條電動桿自動升起又自動扣錢？」唔明佢究竟講乜。
可能曾經有不少人領過\u5622，故佢特別平靜話：「先生，對，本來你應該有免費，但因你架車駛前\u5497幾吋才停，已經被電腦偵測到，故自動扣錢、自動開閘。」
我睇睇條線\u55ba邊。喂，完全冇警示話要點停\u5643，又一城撳住斬我48蚊！少少錢費事拗，不過條氣點順呀？
