(曾智華)
香港賽馬開始越\u569f越精彩，本周橫空殺出英國天花板女高手杜苑欣，再加埋本土的黃寶妮，真係越來越有立法會選舉的「五光十色」感覺。稍後，再多幾位殿堂人馬到來客串，必定將賽事推向高潮，諗\u5413都興奮死。
今日專講兩位女將。幾年前小弟早在本欄表白，視杜苑欣為偶像。點解？除樣子成個甜姐兒外，睇佢跑馬，就知乜叫正氣凜然，乜叫一心一意（唔該「軟硬鞭」及「哈囉文」學\u5413）。此外，佢細細粒，輕飄飄，但勝在重心低，兼搏馬時有無窮狠勁，好鬼犀利。
大家想體會？易，睇返周三佢點贏「自動自覺」，必有同感。有杜苑欣在，我會次次10蚊雞捧佢坐騎，再欣賞其演繹大法。
跟住講黃寶妮，真替佢開心，因重重地將一位前練馬師成棚牙剝下。
呢位前練馬師，著名串串貢，冇壞，做網台各有特色，串嘴絕對可以吸引收視率的。
問題在，上周黃寶妮初初亮相快活谷，係，輸足五場，可能根本未熟條跑道。但串嘴立即踩到佢一棟都冇，力指小妮子完全唔\u5571做騎師，絕冇前途，不如盡快收工轉行。
我一邊聽，一邊覺得實在太離譜，曾幾何時，呢丁友亦做過騎師，也是由烏\u5413烏\u5413變企穩。一個見習生，你用到咁不屑語調批評，完全欠缺前輩風度，更欠量度。
好\u561e，終於周三黃寶妮再跑快活谷，騎四隻，哈哈，全部有獎金，兩Q一P，簡直就似一棍「藕」落狠批的串嘴個額頭。尤其騎「卓越蒨鋒」一場，絕不似牌仔，並冇只懂放頭，而是留守中間位置，到最後五十米才大力落鞭催策，結果短頭鍊低「祥勝將軍」及「康昌之星」，相當精彩！
講完，明日一於隻隻買杜苑欣W，再\u63f8杯紅酒睇馬。
