舒淇首次自編自導的電影《女孩》除了入圍威尼斯影展外，並在第30屆釜山國際影展榮獲「最佳導演獎」。久未香港露面的舒淇，今晚出席《女孩》香港首映禮，同場還有為該片擔任剪接的張叔平現身，但他不接受訪問。原來當晚舒淇亦邀請一班圈中好友鍾鎮濤與太太范姜及女兒鍾懿、呂良偉夫婦、余安安等到場，還有老公馮德倫。不過大會只安排舒淇單拖會見傳媒接受訪問。
飲咖啡被候孝賢燃點導演夢
對於執導契機，舒淇表示跟候孝賢相約飲咖啡，對方建議她不如試下做導演。談到執導最印象深刻，她表示找場景好難，戲中的車站要重新打造，相當有80年代末的感覺。提到該片入圍威尼斯影展，並在第30屆釜山國際影展榮獲「最佳導演獎」，問到到香港舉行首映禮可有特別感覺？舒淇笑言該片走過多個地方，現在比較心平氣和。戲中會講閩南語，希望香港觀眾會睇得投入。
被馮德倫取笑太多獎冇位放
舒淇在釜山國際影展榮獲「最佳導演獎」，老公馮德倫笑她太多獎項沒有位置擺，問到她需裝修屋企擺放獎項？她笑言自己家中公仔多過獎。至於奪獎對票房可有信心？她笑言對票房沒信心，畢竟是文藝片，觀眾睇戲的速度可能不習慣，不過這部戲是非常有誠意，戲中用很多心機回復返80年代的事物，所以觀眾入場後可能會見到兒時的情景，應該會頗有感覺。談到該片可有她的兒時元素，她表示寫劇本時，因不想重男神輕女，本身有弟弟，戲中就變成妹妹。她說：「當我將弟弟變成妹妹，就要將其他人物改變晒！今次講細個時嘅家庭暴力，飲酒嘅老豆，仲有喺學校被媽媽摑咗一巴，其他都係編出嚟。」
編劇時冇勾起兒時不快回憶
舒淇坦言在時間同壓力下，今次能夠拍到自己想要的東西，並多謝台前幕後的工作人員好專業，加上張叔平的後期剪片都覺得不錯，應該幾好睇。追問執導時可有勾起兒時不快回憶？舒淇坦言沒有，當自己編劇時腦海中好多幻想如何寫，每一日寫完後回家就會飲杯酒，然後由頭到尾睇一次寫的劇本，同自己講：「點解我寫得咁好！」當笑問她是否飲醉？她否認飲醉，不過發現自己對戲中母親角色有共情，就會非常體諒，因為有時知道同體會是兩回事，又讚那個年代的女性不容易。
嫌圈中姊妹年紀大未邀演出
首次執導獲得佳績，問她會否再次執導？舒淇即嘆氣表示，若然要再次自編自導，可能要等十年。問到老公馮德倫對該片可有評價，她指老公睇劇本時並非正式稿，亦沒有對白，只見有薄薄幾張紙，好質疑問她如何拍攝？她笑說：「我話我啲Style，你唔明架啦！（有冇請教老公？）我哋戲路唔同，佢係商業片，而我係文藝片，老公就會有少少話：『哈哈哈！你都有今日啦！』」舒淇坦言做導演和演員很不同，當然做導演好辛苦，又笑指老公馮德倫現在都做演員。問到該片何不邀請圈中好姊妹演出，舒淇直言沒想過，因為圈中好姊妹跟自己年紀相約，若然要演不如自己演，由想演繹媽媽角色的演員較為年青，但強調並非一班圈中姊妹不年輕。問到現實中的她，可想當媽媽？舒淇直言順其自然，不過自己也差不多。當笑指她尚年輕，舒淇笑說：「50歲唔係好老，Ok！（58歲仲可以生小孩！）咁又係。」對於老公馮德倫自稱是Stephen Yoshi，舒淇笑言不知道，亦不認識Tyson Yoshi，又自爆老公今晚都會入戲院捧場。
