曾智華
真係好衰唔衰開口中！
前日本欄標題《唔跌得唔跌得，又跌》，見報後非常多回應，稍後講，先講自己。
我每朝日程慣性，七點至九點半在附近茶記早餐咪報紙，然後到高山公園晨運，車泊美善同道尾。前朝一如以往，十點半運動完，行落高山道，行經浙江街\u651e車，買\u9938去。當時風勢不弱，當過完馬路，踏上行人路之際，粉麵店「潮豐」門口的過膠海報被風一吹，甩\u5497，剛剛飄正我準備踏落地的腳底，膠面黐\u5497雨水，非常跣，說時遲，那時快，成個人失重心向前仆。老友，一百八十幾磅撻低，分分鐘似老友「大隻盧」咁，唔知爆邊度\u35ce。
好彩，可能日久拉筋有功，千鈞一髮之際，先紮個馬，再死命抓住路邊鐵欄杆，結果只跌\u5497一半就起返身。不過\u22ef\u22ef哎\u5414\u5414，點解咁痛？邊度痛？正是死命抓緊欄杆的左手，中指被猛力一扯，指甲甩\u5497多少，立時標血，真真十指痛歸心\u35ce。定神之後，小事小事，返家自己消毒包紮可也，唔使衝急症室咁誇張。
返家睇睇專欄文章如潮湧出的反應，原來長者老友「何老大」較早前也在上巴士時跌倒，肌肉受損，針灸幾次，執返身彩。
另外，留言中最有用的為醫生R：「碌Sir，你通知大家啦！港怡醫院設有『公共醫院轉介病人計劃』，病人若出示瑪麗醫院轉介信，會有折扣\u35ce！」
不旋踵，「歌星D」又來訊息：「碌Sir，你朋友放狗，一邊行一邊諗都咁危險，我日日\u63f8車四圍去，見到大量更令人擔心現象，為不分老中青，懵下懵下中晒手機毒，行又睇，企又睇，連過馬路都睇，只係唔睇路！我正剛剛才幾乎撞到個阿伯，紅燈過馬路不止，仲邊行邊撳機，簡直離晒大譜，累己更累人！」
