上周日賽事之後，不少人仍在熱烈討論「沙田錦標」。
賽前本欄指出，如此重要賽事，為乜騎師龍虎榜上的一哥、二哥冇坐騎？怪誕。
見報後，幕後高人話：「碌Sir，騎師也要威，呢場擺明『祝願』高晒，而潘頓及布文皆冇得騎，咁兩位大佬為乜要出\u569f替巴度『抬轎』？賽果證明，若『祝願』去盡，最少可贏兩個馬位，分分鐘今季馬王。」
另一現象難以明白，為乜練馬師姚本輝要安排「遨遊氣泡」出賽，搞到三冠馬王跑到一塌糊塗，點解？第一，\u5b6d最頂磅135磅，讓「祝願」25磅，係人都知冇得跑，博乜？你唔好話畀我聽呢場熱身咁戇居呀，三冠馬王無無謂謂亂跑為熱身？另外，級制賽華人騎師冇磅減，為乜唔安排卡士高一點\u5605騎？搞到如今輸五個幾馬位咁肉酸。馬都有英雄感\u35ce，呢場咁慘敗，前所未經歷過，會挫去幾多自信呢？此馬過去兩季在港出戰十二次，六W四Q兩P，從未甩三甲，今次跑第十二，太該煨了，姚本輝這個「古怪」安排，水洗唔清！
此場值得一提的是今場亞軍董明朗，呢位南非冠軍騎功不差，但硬是得不到練馬師支持，經常坐冷板\u6ac8，至今無法開齋，有冇圈內人可給予令人信服的解釋？
今晚快活谷之戰，最精彩應為第六場二班跑一千米，鬥快。出九隻，只得「晨曦儷人」冇在同程W或P。換句話說，隻隻是專家，邊隻得，要睇決心及臨場際遇。
我會選「顏色之皇」及「星際快車」買對碰W、Q及PQ，飛起「軟硬鞭」及「哈囉文」。
今季靚仔練馬師游達榮至今好似仍未「開車」，輸足三十七場，只得一W，「顏色之皇」為馬房第四高分馬，試閘\u562d\u562d聲，隨時W得。
