入戲院睇《阿龍》，純因為鄭中基，因佢在《龍咁威2003》及《低俗喜劇》的演出，實在令人有驚喜，故凡佢的新電影，當然令人有所期待。
不過，今次真有點猶豫，因此片早早拍竣，是七年前作品，若是好戲，為乜唔上？究竟排唔到期又或有其他原因？
另外，《阿龍》中，鄭中基再非飾演最擅長、最有把握賣座的搞笑角色，而是變成暴力復仇者，影迷會受落嗎？
終於決定第一日第一場就衝入戲院找答案。《阿龍》開場最為震撼，在攝氏三十多度烈日當空，一條繁忙泰國曼谷公路中，Ronald滿是紋身及肌肉爆現，剪平頭裝，用大鐵鏈拖著一個面目猙獰罪犯逐步前進。
這個開頭，怎不吸引你睇下去？
不過\u22ef\u22ef開頭大震撼，不等於全片皆精彩緊湊，反之，個別場面及情節有點鬆散，出現不少上下銜接問題。
故事描述鄭中基是個單親父親，雖痛錫女兒，但又不太懂得照顧。一次兩父女到曼谷旅遊，女兒突被綁架，繼而被殺，激發Ronald熊熊復仇烈火，決定借迎娶當地華人周秀娜，以得到居住權，為的是要留在曼谷展開復仇大計，並千方百計不惜犯罪坐監，闖進監獄親手幹掉主犯。
很明顯，鄭中基計劃拍攝此片時，對自己在幕前幕後的寄望皆很高，但效果呢？合格而已。
可能鄭中基\u5b6d得太多瓣數了，包括編劇、導演及主演，全部重要工作擔在肩上，顯然由能力到體能皆扳到很盡，當要駕馭大量感情戲及武打戲時，擺明火候未夠。
由一個溫文家庭男人變成全身爆肌狂躁復仇者，Ronald用\u5497八個月時間，紀律性地將自己外型及身形徹底改變，過程十分嚇人。這份專業投入，值得致敬。
