榴槤發出的濃烈氣味不是人人能夠接受，特別是攜帶乘搭公共交通工具時更要小心拿捏，盡量不要惹人不滿，甚至引起衝突。網上近日便流傳一批婆婆乘搭一輛開往屯門的巴士時，把一包以保鮮紙包著的榴槤肉放在身旁座位上的相片。網民對此熱烈議論，有人甚至嚴厲地形容此為「生化武器」。詳情見下圖及下文：
屯門婆婆搭巴士「奇物」霸位勁屈機 網民反應劇烈：呢個直頭「生化武器」逐張睇↓↓↓↓
樓主：用榴槤霸位
樓主本月25日在社交平台Threads上載相片發帖，指「搭巴士去屯門見客人，遇到這種情況。用榴槤霸位，而且條阿姐不斷咳，神憎鬼厭」。不少網民直斥婆婆的做法，怒轟「真係離晒譜」、「哇，呢個直頭生化武器」，認為「見到咁，爬都要爬上上層」。
還有看不過眼的網民獻計對付，有人異口同聲建議「一嘢壓落去」、「一嘢坐上去啦，哎呀唔好意思」、「一嘢坐落佢，等無牙呀婆返屋企易啲『妹pat』榴槤」。
相關閱讀：樹上採割如天降狼牙棒 工人搵命搏 榴槤「都市傳聞」聽過未？
網民狂想：折咗包榴槤食咗佢
另有人有創新想法，稱「大膽啲，折咗包榴槤，食咗佢，睇下佢會有咩反應」、「大叫，司機有人用榴槤霸位啊！司機可能會喺安全情況下停車了解」。還有人分享類似的不愉快經歷，指：
•前幾日坐架巴士同樣有人拎咗榴槤上車，陣臭味攻到暈；
•有次有個阿婆用包米霸位，我一嘢坐上包米度，佢邊鬧邊拎走包米。我就當然全程扮傻啦，對住呢啲人行動好過同佢嘈；
•上次我見嗰個用啲餸放喺位，搞到成位都係水然後除鞋抹腳，紙巾就咁放地下。臨落車我話婆婆、婆婆你漏咗嘢呀，嗰下我自己都笑咗。
不過，也有人認為巴士當時乘客不多且有空位，指「其實你對面都仲有位，即係唔多人，如果多人，而佢唔肯讓番位出嚟就話啫，有人要坐，咪叫佢拎開啲榴槤囉」。
資料來源：maipingdidi＠Threads
相關閱讀：元朗小巴勁貼8張告示 禁乘客帶榴槤上車 網民爆大媽「違規」超慘下場↓↓↓↓
又到榴槤飄「香」時，有人歡喜有人愁。為迎接榴槤季節，有紅色小巴司機似乎早有準備，在車窗左左右右貼上8張「請勿攜帶榴槤」的告示。網民於是大爆，有大媽曾經因為「違規」而得到超慘下場↓↓↓↓
