「中2生」甘永傑（阿甘）及梁浩賢首度挑戰音樂劇舞台，兩人帶領200位小朋友演繹一段關於手足包容的溫馨故事，阿甘更與7歲囡囡甘亦霏父女檔同台，坦言緊張又期待；梁浩賢則需一人分飾4角，笑言「驚跟不上小朋友嘅節奏」。此外，阿甘受訪時大爆好友蔡卓妍（阿Sa）母愛爆棚，不僅細心照顧聚會中的孩子，更透露她渴望做媽媽，呼籲男友石恆聰「快啲把握」！ 採訪：方騫平 場地：樓下火鍋店
由香港兒童才藝學院策劃的音樂劇《換吧!我的兄弟姐妹》將於下月15-17日假香港青年廣場舉行，主演阿甘及梁浩賢接受挑戰，浩賢更需化身老婆婆、維修員等4個角色：「過往喺譚輝智演唱會中Cosplay演出都係咁啦，喺TVB訓練出嚟嘅，靠時間練習。」梁浩賢大讚小演員經驗豐富：「上年睇過佢哋演出，比想像中更加叻，驚自己跟唔上。」阿甘說：「睇過佢哋上堂，最勁原來會執生，我哋緊張過佢哋多啲嘅，出錯冇人同我地補鑊。」兩人更有一場「吵架式對唱」，阿甘以羅敏莊為榜樣：「前輩唱住鬧交都能拿捏到位！」
催促石恆聰把握機會
兩人定會邀請全部老友捧場，包括「中2生」捧場，阿甘更聲稱一定會叫埋老友蔡卓妍，追問會否拉埋阿sa男朋友石恆聰？阿甘笑稱可以交換條件，交換後台合照，更搞笑道：「全場觀眾可能只顧睇佢哋！」他不忘為阿Sa的終身大事「撥火」，透露42歲的阿Sa與男友石恆聰復合後，一心朝向結婚生子目標進發：「我成日建議佢生完先結婚，反正經濟能力夠！」他大讚阿Sa是「湊仔高手」，還分享農曆年團拜時，阿Sa特意準備扭蛋機、泥膠等玩具讓孩子安靜玩耍，方便大人打麻雀：「呢啲咪叫好細心及有觸角，有方法處理小朋友囉，係勁嘅值得加分，佢細心到爆燈，絕對係滿分媽咪。」阿甘最後提示阿Sa男友：「快啲行動啦，佢鍾意小朋友，生完再補辦婚禮都得㗎！」至於同場的梁浩賢亦被感染，表示「想做爸爸」，但笑言先專注演出。
