張敬軒（軒公）昨晚（19日）現身澳門，在颱風下為户外Show「幻影狂野派對 Splashing Neon Night」壓軸演出，他一身閃爆背心出場，一連唱出《羅賓》、《酷愛》後笑言：「人生中演唱，呢次最多人唔著衫，唔著衫都算，男子漢大丈夫，揸住枝槍揈吓揈吓！」更百厭攞水槍向游池中的觀眾射水，其後再唱出《My Way》、《只是太愛你 》、《櫻花樹下》。
張敬軒向吳博君拔刀相助
張敬軒在騷前受訪，前TVB藝員吳博君早前病逝，生前他接受訪問表示跟張敬軒不相熟，而獲對方經濟援助。張敬軒坦言之前透過「演藝人協會」去了解他的情況，得知離世消息感到很遺撼。他說：「我有屋企人患有漸凍症，好明白會去到有一個階段就未必有藥物或醫療可以幫到佢，希望佢屋企人繼續勇敢生活落去。雖然我跟吳博君冇面對面傾計，見到佢訪問都覺得係好豁達嘅人，相信係好有智慧，希望佢家人慢慢喺傷痛中，去搵返生活嘅步伐，我哋都會通過演藝人協會睇睇有乜可以支持。」
另外，對於早前（16日）為陳慧琳（Kelly）演唱會擔任嘉賓，張敬軒稱在同輩歌手演唱會上表演不會緊張，而擔任鄭秀文、陳慧琳的嘉賓就緊張到手震，腦海一片空白。他說：「我諗因為佢哋係前輩囉！嗰日做Kelly嘉賓好感觸，冇諗過同陪伴我長大嘅偶像同台，不可置信。」
張敬軒與Tyson Yoshi父母飲早茶
提到7月初，到意大利出席Tyson Yoshi的婚禮，笑言哮喘發作，但到達當地就痊癒，一聲咳都無，張敬軒認為有可能是心情問題；又指與Serrini在婚禮上影大合照是故意扮主人家，覺得一班藝人在優美環境下聚首，十分難得，大讚Tyson同Christy招呼好。談到Tyson Yoshi指軒公在婚禮上由頭幫到尾，他笑說：「手板眼見功夫，係有時唔抵得，覺得有啲嘢可以做得好啲。Tyson同Christy好怕麻煩朋友同家人，要顧及嘢太多，唔會點出聲叫人幫！咁我見到，咪話係咪可以好啲？我幫你啦！」笑指指他似嫁女，軒公坦言跟一對新人好close，人生大事好緊要，好多賓客到場，加上新娘子Chirsty籌備婚禮花上許多心機，笑言自己與主人家在香港住同區域，他說：「嗰度叫『長者樓』，寧寧舍舍一棟，每日朝早瞓到朦朦朧朧，見到佢哋嗲哋、媽咪，飲杯茶呀！」
張敬軒訂購餐枱獎勵自己
Tyson在婚禮上是否變「喊包」？張敬軒稱之前一日（歡迎party）喊得最多，分別跟一對新人對讀誓詞，提及他們的過往。他說：「就算幾老友都唔會攞出嚟講，好感性！Chirsty嗰段好colourful，Tyson就好少見到佢鐵漢柔情。最攞膽係證婚人契媽嗰段，我同佢對咗四、五次稿都頂唔順，見佢哋上上下下一家人好善良，婚禮氣圍打動人。」提到Tyson Yoshi在社交網分享，偷拍軒公正在整理文件的影片，他說：「係啦！死嘢，我仲要素顏喎！明知我好重『偶包』啦！啲粉絲話我做乜著到好似訓導主任，我嗰日喺嗰度幫佢哋搞緊誓詞。」又指這次行程買了餐枱及櫈，雖然不是古董，訂造都要四個月時間，買來當作鼓勵自己，畢竟兩年多未有出埠玩。
張敬軒相信老闆能力
提到英皇集團陷入財困，有指近日向貸款人提交修訂後債務重組方案，把銀行借款到期日延長。張敬軒坦言公司內部沒有不安，老闆楊受成及各部門也很重視每間公司分支，又稱疫情後經濟大環境，相信一些公司也面對不同挑戰。他說：「老闆係一個未雨綢繆嘅人，每間公司好穩健去支持，所以我哋一啲都唔擔心。」
