黃庭桄
20歲的陳康堤，剛推出首支英文單曲，被視為本年度樂壇的新人王，有人指她的歌聲盡得爸爸真傳，前途無可限量。她的爸爸，叫陳奕迅，媽媽是徐濠縈。
獨女當然萬千寵愛在一身，猶記得當年徐濠縈忽然留起長頭髮，只因幾歲大的康堤向她投訴：「媽咪，我唔鍾意你短頭髮，成個男仔咁！」
有一次，家庭醫生問小康堤：「你平日最鍾意做咩？」年方4歲的她居然答：「我鍾意做功課。」醫生隨即哈哈大笑，大讚徐濠縈教女有方：「你個女掂啊！」
那個可愛的小女孩，在做功課的時候，會習慣用鉛筆寫完之後，擦掉再寫，寫完又擦，「因為佢堅持要寫靚\u5572。」有時徐濠縈看不過眼，會忍不住話幾句，不少朋友就挺身而出保護小康堤：「你仲想點啊？佢得4歲咋！」
其實每個媽媽，都會視子女為心肝寶貝。徐濠縈告訴我，第一次為康堤而喊，是在小康堤出生的一刻。「我係半麻醉開刀，有塊布遮住。當一聽見BB喊，然後再睇到自己BB個樣，我同Eason都激動到喊晒。」
第二次為康堤喊，是2歲的她上台表演。「\u55f0年聖誕，佢要扮小天使上台唱歌。事前校長同我講：『有\u5572家長見到小朋友第一次上台表演，會喊\u5497出\u569f！』我仲話：『使唔使呀？』點知當康堤\u55ba台上面一路做動作，一路唱歌，我好感動，不期然眼濕濕。」
今年康堤推出第一首單曲，徐濠縈會喊嗎？
