90年代性感女星葉子楣在1992年息影後，甚少再見她的踪影，直到今年終於再現人前並有意復出工作！近期頻頻高調現身的葉子楣日前接受薛家燕的訪問，葉子楣坦言最高峰曾試過一年13部電影，其後男友出現，令她決定淡出！
相關閱讀：葉子楣淚崩談已故男友！從無要求名份立遺囑分家產 當年因名導踏上艷星之路
葉子楣頻頻高調現身：
葉子楣日前為薛家燕主持的新城《開心大派對》做嘉賓，薛家燕問到葉子楣當年是否墮入愛河受到男友反對而毅然引退？葉子楣笑言：「男人係咁自私，初初都係咁，不過嗰陣真係拍得多，最高峰一年連續拍13部戲，試過一日趕幾組戲冇得瞓覺，咁我都改想畀人錫下，自己休息一下。」雖然昔日多年，葉子楣依然保持22吋腰，薛家燕讚葉子楣是天生尤物，葉子楣大方公開保持身材秘方：「而家有做運動，食嘢係放咗好多，我最憎人唔食嘢，成日計住食幾多卡路里，食嘢係最開心。我屋企係冇磅，唔會去磅，不過盡量唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」
葉子楣與昔日圈中朋友近乎斷絕聯絡
有一時間葉子楣與昔日圈中朋友近乎斷絕聯絡，連電話號亦刪去，葉子楣說：「大約2年前喺生日聚會同返黃百鳴陳欣健呢啲90年嘅朋友見番，感覺好開心，咪add返個電話，我哋而家成日見。」葉子楣坦言很享受退出後不用化妝、影相，又可以慢活，不過對於復出後網民評語，葉子楣表示無論如何都會有批評或讚賞，但她不會理會，做回自己是最開心，她稱有一套應付惡意批評的方法，就是要消化惡意批評。
葉子楣更多性感演出：
葉子楣嘆真正姻緣好難搵到
感情方面，葉子楣說：「我單身咗咁多年，已經習慣咗，當然有個伴係好，但係真係好難搵，隨緣喇，條件最緊要眼緣同錫自己，不過我諗都唔容易，我朋友呢方面桃花就多，真正姻緣好難搵到，我諗到我哋呢啲年紀，好難搵到啲一見鍾嘅人。」薛家燕再談到葉子楣當年性感女星形象相當成功，堅守不露點，葉子楣即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」
其他文章：
57歲葉子楣身材纖瘦依然雙峰澎湃 密謀重返影壇開金口賀魏秋樺男友生日
57歲葉子楣戰鬥格曝光皮包骨激瘦身形 豐滿上圍反差大令網民嘖嘖稱奇
————————————
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
