新春與馬友團拜，論馬事，當然集中講兩匹馬王及兩位騎師。兩匹馬正是短、長途馬王「金鑽貴人」及「金鎗六十」，騎師則是潘頓及何澤堯，因兩匹恍似兩位的私家馬，單單贏得的獎金已幾百萬元至千萬元計。
「金鑽貴人」贏十五場，當中十一場由潘頓經手，如今總獎金七千萬元，意即「軟硬鞭」在此馬身上，已執幾百萬元！
「金鎗六十」又如何？更犀飛利，出賽三十場，勝出二十六場，簡直神馬，總獎金一億六千五百多萬元，何澤堯在此馬身上分得的，也是天文數字的過千萬元！
世間一切，總會有完結的一天。
首先講「金鑽貴人」，1月28日國際一級賽事，一點三倍賠率，全港（球？）馬迷 身。當然，如此賠率，幕後也已 身。
結果，開啊！大家可重複翻睇呢場「軟硬鞭」的「表演」，尤其入直路後的走位、推騎及爭勝決心，喂喂，乜呢個係潘頓咩？小弟有此疑問，當然任何「精明眼」也有此疑問。個個輸到噴血，幕後冇得威威外，更慘失天文數字獎金，馬主及練馬師必被親朋戚友甚至同業笑到面黃。喂，全球排名最高的短途馬王，竟可以跑成咁？
唔嬲到爆炸就唔係正常人啦。結果你做初一，我做十五，立即宣布以後換人，場戲可能未完！
「金鎗六十」又如何？八歲了，愛馬之人必不會逼佢跑到無力再戰而輸。據聞部署今季引退，一切等宣布啦。
以何澤堯騎功，冇 「金鎗六十」，收入當然冇 過半，但也是必須面對的現實！
研究明天TVB盃！無記總經理曾志偉乃本欄擁 ，希望今日小弟貼士幫到佢W！
二重彩五隻複式，「巴閉哥」、「朗朗乾坤」、「增有」、「紅愛舍」及「晶晶日上」！
