疫情之後，全中國城市必須鬥快拼經濟。香港誓要搞「夜經濟」，成效如何，一兩晚不能作準，起碼去到中秋之後，才可初步評估。
不過，任何事冇得靠一廂情願催谷。經濟學ABC，先有需求，後有供應，香港市民對夜經濟有幾大需求，睇落去就知。
老友之中，不少開關後立即四圍飛，除台日韓泰外，為旅遊，為工作，當然更要去深圳及澳門。
其中搞演唱會的一群，必須頻頻過澳門，因澳門旗幟鮮明要谷旺休閒娛樂，大搞演唱會，希望吸引人流，然後齊齊變「賭仔」，在賭場多多捐獻。
「搞手S」乃舞台製作專家，幾乎打躉澳門，見證呢個小埠在疫情之後迅速彈起！
「碌Sir，澳門掂，因領導人勁。除一般必須緊跟國家的大政策外，全面放放放。冇 疊碼仔貴賓廳？各個賭場就一於搞旺中場，不少已經可以去到最低注碼一千元，仍坐滿人，因全中國呢處獨家開賭！」
有賭的收入，就有本錢請全球歌星表演。有巨星，又可吸引內地遊客湧入，加上澳門酒店靚到飛起，度假感覺濃厚，自然具吸引力。
講來講去，仍有一樣澳門優勢是香港無的，正是——冇乜澳門人移民！當地一般居民生活穩定、富幸福感，遠比香港人感覺良好，冇人想走。
所以一開關，一復常，澳門即彈起。
香港又如何？
昨晚與幾位前議員及退休高官晚飯，兩杯到肚，有 佢 共同睇唔順眼，覺得如今不少高官政客，搞到香港由「一國兩制」變「一國一點五制」。點解？前高官F話：「唉 使唔使寧左勿右及政治正確到咁啊？個個公開發言，永遠要Quote一兩句習主席講乜講物，究竟佢 知唔知乜叫Subtle的呢？」
