貼馬，最開心是睇中一隻冷馬，但最唔開心是臨開閘時被「打劫」。
上周日好開心，本欄只畀一隻貼士，為「非凡時刻」，排位後似乎冇乜人留意，因同場有隻公眾認定Sure Win的馬王「快活英雄」在陣，兼且短途排十一檔，甚差。結果排位後「非凡時刻」一直是冷門，十一倍，仿似幕後冇乜信心。但我肯定自己眼光，故細W大P「藕」落去。
入閘時，「非凡時刻」W仍是十二倍，P20元。點知\u22ef\u22ef唉，呢鋪又被搶錢！開閘前幾秒W變七倍，P得返13蚊，死未？結果，騎師霍宏聲用搶錢式騎法，開閘拼命狂放，到終點最後一步才被「快活英雄」短馬頭追過。呢場小弟最快樂為嗌足分幾鐘，簡直似食\u5497興奮劑，尤其最後一百米，搏命叫：「頂住、頂住、頂住！」
呢種上身上心上腦的高潮感覺，非馬迷難感同身受，解釋都無謂。
今晚快活谷採用A跑道，偏差不會太大，我特別留意的騎師為布文。
呢位二哥，近期全無二哥風範，陣上鬥志毫不鮮明，唔知等乜，難道等今晚起義？
一哥潘頓今次必錫身，因周末要返澳洲食「大茶飯」，競逐過億元獎金，若「嘉應高昇」勝出，立即可以打跛腳收工度假去。故此，唔使預佢今晚搏命\u561e。
咁環境，「哈囉文」仲唔起筷，等食穀種乎？佢騎的兩隻必須留意，第一隻「超超比」，跑快活谷千八米兩出兩勝，上場跑泥地，擺明熱身，今晚會露出真身！
第二隻「包裝創新」，也是快活谷千八米專家，出三次一W一Q一P，未甩過拖。上場跑沙田，擺明遊馬河熱\u5413身，今次？當然\u569f料！
一於「超超比」及「包裝創新」WP二串三過關啦，可能鋸鮑魚都未定。
