今日香港，有幾個行業真係日日打晒鑼搵人，包括醫生、護士、護理員、社工、教師、建築、司機、保安、清潔……
還有一個行業，因小弟日日出街食飯，故特別清楚其慘況，正是飲食業。無論廚房、樓面及清潔，全部大量缺人，尤以做中下層客的食肆更甚。
街坊茶記出唔起錢？唔係！而係個個打工仔（尤其年輕的）都希望打大集團、潮店、高級餐館及酒店工，因制服乾淨企理，客人質素亦較高。
於是中下級食肆，只能請到整體質素較平庸的一群，兼且流失率相當之高。
我每日幫襯的茶記，老闆娘正正嘗盡這種苦頭。此店本來請 位阿姐朝朝七點拉閘開門，頂住樓面，而廚房就由太子仔掌管。大約八點半，老闆及老闆娘出現，由廚房到樓面到清潔一腳踢 晒，捱到晚上十點收工。老友，你諗下幾鬼辛苦！老闆辛苦，只能咬咬牙，應該 。不過，員工絕不會咁諗。東家唔打，大把西家。故此，半年內已換 三個七點開鋪的阿姐。一唔撈，就由老闆娘頂埋。睇住佢捱到隻屐咁，不時埋怨：「錢又唔係畀得少，就晒佢 ，全職又得，兼職又得，都唔滿意！」
佢應明白，間 咁鬼地 格，點留人 （你唔好問我為乜鍾情呢種茶記）？
昨日，大件事。小弟七點如常夾住大疊報章進入店內，在坐慣的地方攤開，準備「柯打」之際，老闆娘鬼食泥咁聲氣：「阿哥，今朝得我一個，由廚房撐到樓面，咪催呀！」
由佢 哦哦聲中，得知原來上工不久的阿姐又唔玩。本來坐鎮廚房個太子爺則前一晚劈酒 ，斷片，起唔到身。老闆（佢老公）則仍在 ，要一小時後才趕到救駕。
死得，睇住七點半開始客人湧至，冇個知老闆娘煩到癲，故呼喊落單之聲此起彼落。老闆娘忙到出煙，仍忍忍忍。終於八點見老公步入，立即情緒崩潰，眼帶淚光，省到佢飛起。
此情此景，我了解，佢老公都了解，故大家默默無言。
