一名大叔小巴司機在站頭蜘蛛俠式拉筋的短片和相片在網上流傳，技驚四座。網民即時甘心拜服，狂讚「救命司機超柔軟」。有街坊更加上載相片，見證更極致超狂一幕。詳情見下圖及下文：
大叔小巴司機蜘蛛俠式拉筋 街坊見證更極致超狂一幕逐張睇↓↓↓↓
4秒4下深蹲拉筋 下下有力
樓主昨日（10日）在社交平台Threads上載短片發帖，指「司機喺等客期間，落咗車做舒展運動。呢樣嘢好欣賞佢，至少唔係繼續坐喺個位睇短視頻，同埋我呢程車應該會坐得安心，尤其咁多職業司機都係年紀大，最近又發生意外」。
短片長約4秒，開始時已見大叔司機開動，就在這短短的4秒內，戴口罩、雙手緊握前放的大叔，已左左右右做了4下深蹲拉筋運動，下下有力。
網民發相和應：好勁㗎佢 啲筋好軟
有網民似乎認得這位高人，上載相片和應「好勁㗎佢，啲筋好軟」。相中，大叔做正靠在鐵柱做垂直壓腿，把這個棟企一字馬拉筋動作做得極致超狂。
有網民認得現場可能是「大圍火車站」。有人爆料「呢個司機成日行走大圍沙田火炭，我成日坐到佢車，好鬼正」；樓主則自爆「我今日係大圍去荃灣」。
另有見慣見熟的街坊稱「佢日日都係咁㗎，我日日都搭」。還有人體諒司機工作的辛勞，指「坐喺度揸車咁耐，落車拉下筋都好正常」、「勁！司機長時間坐喺一個屈住對腳嘅位度工作都很辛苦，乘客同司機都要大家體諒」。
相關閱讀：片段直擊｜港鐵扶手玩「人旗」！黑衣男晒驚人臂力 嚇呆網民
網民：大叔有料 下盤好穩
有人笑言大叔連番深蹲，「係咪跌咗嘢落車底」。不過說回正經，大叔的筋骨柔軟度實在羡煞旁人，網民連番寫下拜服留言：「大叔有料」、
「他練得很好！！！」、「下盤好穩，應該練開功夫」、「睇完佢，我返屋企面壁思過」。
有人自嘆不如稱「做咗幾廿年人我都未試過做佢呢啲動作」、「忍唔住跟住做，結論：做唔到」、「呢個堅！真係唔係個個都做到」、「呢個動作真心難做，我leg day（練腿日）做熱身就係做呢個動作」、「超勁！！！小巴司機太易靜脈曲張、血唔到腳，咁長工時啲筋都咁軟，太勁」。
相關閱讀：奇葩瘦男港鐵車廂操筋 狂做掌上壓凌空揮拳
網民：返工返學坐得多都應跟住做
另有網民關心大叔「唔驚傷到膝頭關節咩？」，有人回應時直言「我相信佢筋骨柔軟過你同我，啲關節應該都好過你同我…」、「啲筋仲軟過我」，感嘆「救命司機超柔軟」。
有網民還指出拉筋對身體好，藉著大叔的勤力舒展來鼓勵大家「返工返學坐得多，都應該跟住做！」、「年紀大咗，關節會退化，坐得耐起身，膝頭後面關節會痛，咁拉筋可以舒緩」、「一日坐起碼8個鐘，真係要鬆筋㗎～個個坐office（寫字樓）都未必有佢咁鬆～」、「好犀利，應該可以激活返髖屈肌，大家如果平時需要坐好耐，都建議大家學司機咁做運動」。
資料來源：wendykwy、__yumib__＠Threads
相關閱讀：港鐵職員月台跳怪舞 超高難度深蹲7秒𨅝16腳 港鐵回應咁解釋↓↓↓↓
網上瘋傳有港鐵職員在月台上跳怪舞，舞姿超高難度，極低角度深蹲，7秒內竟高速𨅝出16腳，震驚網民：「唔好睇少呢個動作，腰夠直，腿夠力，難度極高，佢係一位高人。」港鐵回覆《星島頭條》查詢，解釋該港鐵職員何以在月台有此行為↓↓↓↓
