曾智華
今日標題講乜？講的士牌價及講的士跳錶！
先講的士牌價，雖然絕大部分香港人，不會同情的士商（炒家？）近日的急躁，因長年受盡「的士氣」，包括司機無禮、車廂污糟、兜路拒載、\u519a旗揀客\u22ef\u22ef所以，見到的士搞到今時今日慘況，心底可能暗暗話：「哈，你都有今日喇。」
不過，持有的士牌的，也非個個炒家，總有不少是一人一牌用來投資及搵食用的，咁就真係杰撻撻矣。
點解？大家打開個的士牌價走勢圖就明白，\u63f8住個牌者，如今肯定嚇到\u510d\u5497。因過去十年，基本上牌價似食\u5497瀉藥，由2015年最風光的七百幾萬元一個牌，跌呀跌，跌呀跌，到今天已得返二百萬元，冇\u5497七成過外，你話係咪喊到收唔到聲？
最弊係，如今個跌勢仍未停止，有似入\u5497黑洞，不知何時是「底價」。
假若個牌按\u5497畀銀行的，更真真大鑊，肯定被Call Loan Call到失魂。若你是的士商（炒家？），有乜辦法唔急如熱鍋上的螞蟻？
講完冇乜人同情，但堅係慘的現象後，又講講本來一搭一驚心，變毋須驚心的發現。
講乜？講在日本坐的士。
遊日本，香港人視之為返鄉下，故對當地一切非常熟悉。但師傅教落，有樣\u5622咪亂幫襯，正是的士，因為貴到飛起，坐完分分鐘成頸血。
係真唔係真，我從來不知，因根本冇搭過（唔敢搭），驚血流成河。
不過，上周到仙台，飯後旅遊巴司機已收工，又下著雨，點返酒店？唯有咬咬牙死就死，用網約的士啦，諗住最多試一次大出血啦。
點知\u22ef\u22ef原來一方面日圓近年大跌，另一方面，那邊的士多年冇加價，相比香港唔算好貴咋。一搭一驚心？今時今日不再發生喇。
