黃秉華
潮流時興甚麼？「數碼排毒」（Digital Detox），大家有興趣不妨召集一班朋友，一齊放低手機四十八小時，過兩天「淨化」的日子。你問，有乜意義？可以有效減少失眠，同時改善焦慮症。我們這一代似乎無能力離開手機，我試過一段時間，臨\u7793之前都要拼命用手機上網，半分鐘都不能離開，後來方知道是壓力過大的一種徵兆，反映身體不健康。
在英國玩「數碼排毒」係同時約埋大家遠足四十八小時，估計這是很好的減壓活動。喂，大哥，去遠足唔帶手機，唔安全\u5643，有事起上\u569f，點算？建議隨身攜帶一部「打出打入」的「老人手機」咪得囉，即係非智能果款。如果真的怕悶，可以考慮袋住部原子粒收音機，聽下新聞同天氣報告都要啦。
好多家長都唔想子女太沉迷手機和平板電腦，據聞，矽谷名人包括軟件大王蓋茨、蘋果教主喬布斯在家中下封鎖令，每天用電子產品時間有限制，但鼓勵子女多看書閱讀。不過，今天是人工智能時代，學生習慣用ChatGPT做功課，若不能用電腦或手機上網，考第尾都有份，問你點樣禁？
我的童年是電視機歲月，當時父母不知聽誰說的，話電視係「留班機」喎，好在家中有老人家，都是標準電視迷，如果禁開電視機，隨時變成「政治事件」，搞唔掂。睇電視睇到留班，未見過，睇書睇到近視，就有所聽聞。有位同學是武俠小說迷，成日偷偷地用電筒躺\u55ba床上睇小說，於是變成四眼哥哥。
