現年84歲的國寶級鋼琴大師劉詩昆去年10月再度榮升爸爸，其年輕37歲的太太「琵琶公主」孫穎2020年在美國誕下一女劉蓓蓓（貝貝）後，再添一子劉天天，湊成一個「好」字，成為全城佳話。兩公婆一直用心培育一對寶貝子女，還經常一家四口周圍去，近日趁農曆新年期間，二人又親力親為湊着小朋友到中環碼頭度歲，未料孫穎驚揭已怒炒3名家傭！
相關閱讀：84歲劉詩昆與4個月大餅印B仔互動曝光！滿臉父愛望到實 罕晒一家四合照進軍小紅書
劉詩昆一家四口溫馨度歲：
當日劉詩昆夫婦齊齊拖實大女貝貝散步，孫穎還親自孭着細仔天天，畫面溫馨，惟全程不見家傭隨行，孫穎坦言家中本來聘請了4名外籍家傭，不過早前在美國時，其中3人因失職先後被「炒魷」，現時只剩一人：「因為時代太快，要培訓嘅我情願培訓我囡囡，佢哋實在刺激到我神經，試過沖涼向小朋友用凍水照頭淋，有時自己做體力攰少少，全職帶小朋友仲可以享受溫馨。佢哋唔係虐待，係冇用心，我真係好心痛，不過我唔驚，之後都會請返，都算係一種好好嘅歷練。」
劉詩昆7000呎豪宅有幾豪？
昨日（14日）情人節，孫穎又發文：「人生最珍貴的不是財富，而是一份真摯的情誼。從數年前時常見你愁容滿面，到如今笑口常開，我深深感受到了喬治桑（鋼琴家蕭邦的愛人）的痛與欣慰。祝天下有情人節日快樂！」並附上多張與老公的甜蜜合照，還透露下月10日將推出新書《別用你的人生來將就》，她說：「兩年前已經開始籌備，呢本書係喺我希望自己50歲嘅時候用呢本書嚟一個總結，主要係畀自己睇，係我呢個人通往內心嘅一條路，唔係自傳、唔係咩文學著作，只係一本隨心寫嘅書，獻給我家族四代天蠍女，哈哈。」
其他文章：
84歲鋼琴大師劉詩昆小王子近照曝光 七仙羽讚嘆7000呎豪宅極具奢華：被藝術品吸引了！
84歲劉詩昆再為人父首晒父子照！一舉動威嚴十足 證仔女有別？
84歲劉詩昆再迎一子！曾歷3段婚姻59歲大仔遺傳音樂天份 現任妻徒弟變老婆轟動一時
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
