港股連跌四年，熊霸全球，儘管市場不乏睇淡策略及可供對沖跌市的產品，現實又有幾多市場中人能夠成功在漫長跌浪中，萬里長空力保不失？每趟遇上股市老散，還不又是那句：「個市跌 咁多，依家仲有咩可以買？」有時真係好懷疑對方係唔係好想博你回佢一句：「你今日輸 未呀？」畢竟，若淪落到要以且戰且退的方式出入市，根本已經不是「投資」，股票市場鱷魚潭，專收叻仔，香港太多「叻仔」，更多妄想要邊度跌低，邊度起返身，結果最終被收到要寫個服字。
有說網絡上流傳著一句話：「無論你上一世造了甚麼孽，只要你這一世炒中港股，應該都還清了！」字\xf9埵瘨﹛A怨氣衝天。有否盤算過，現實中，即使在這邊跌低，亦可能有機會在另一邊起返身？港股廢，美股貴，世界之大，放眼望遠，仍有選擇。
去年11月底上市的香港首隻沙特阿拉伯ETF，南方東英沙特阿拉伯ETF（2830），也是現時全球最大的沙特ETF，慶幸冇穿冇爛，亦為區內及環球投資者帶來中東投資機遇，緊貼富時沙特阿拉伯指數之淨總回報表現，沙特阿拉伯為全球第十七大經濟體，其證券交易所亦已躋身全球第十一大及新興市場第三大交易所。目前成份股數量為五十六隻，主要以金融、原物料、能源及通訊為主要產業的大中型公司，首五大成分股分別為拉吉希銀行（RJHI.AB）、沙特阿拉伯國家石油公司（ARAMCO.AB）、沙特阿拉伯國家銀行（SN B. AB）、沙特基礎工業公司（SABIC AB）及沙特阿拉伯電訊公司（STC.AB），合共佔比已達百分之四十五。
