乜叫「牛奶仔」？意即指未戒奶的BB，因為生理心理全未成長，所以要靠奶水餵哺，直至懂得吞嚥，然後一步步改食糊仔、稀飯，再到正常飲食，有獨立健康運作的消化系統。
今日觸發小弟講「牛奶仔」，因唔知乜原因，一條澳門立法會小丑議員的舊片，又再瘋傳。內\xf9堿陘@個老粗型議員（澳門多的是），肆無忌憚大大聲鬧政府，話整個管治理念及政策，全在製造「廢青」。因為政府冇拓闊新收入來源，並未開發及部署新科技發展，只單一搞賭業。
「各位，好快所有澳門年輕人，除 派牌，乜都唔識 ！」佢口水噴噴頭筋暴現，間中漏出兩句粗口，令在旁的四太笑得好開心：「仲有呀，政府成日派錢，搞到班後生只懂貪威識食，亂咁花錢。我一輩要傾 ，一定去地 茶餐廳。佢 呢，則去五六星級酒店使幾千蚊。個個富豪老竇都係咁累死 仔女，包括我都係 」
真係笑爆嘴！
總之，世界大潮流，就是「牛奶仔」年長化。小弟一代（上世紀四十、五十、六十年代出生），絕大部分小學已經獨立，不但返學放學去街市買 煮飯湊細佬妹，兼且多要幫手做小販、穿膠花等非技術工作，幫補家用。
後來，香港日趨富裕，再冇童工，立時「牛奶仔」年齡慢慢由小學變中學，再到大學！
中學仍要家長接返學放學，考大學又要家長陪。我最唔慣（睇唔過眼）就是見工都有阿媽一齊。喂，阿媽，你想個仔食幾耐牛奶？當年我負責請人，一見呢種「牛奶仔應徵者」，即打個大交叉，費事佢上班時帶埋阿媽！
今早在球場晨運，遇上大群小學生上暑期田徑班，見到一幕「可喜現象」！
當所有學生落晒跑道，在熱身準備後，剩下一個仍在將腳放阿媽大腿等綁鞋帶。
教練直噴：「XXX，你已經讀小三，連鞋帶都唔識自己綁，醜唔醜？搞到人人等你。」其實教練並非在鬧個「牛奶仔」，而是在鬧佢阿媽，一手製造「牛奶仔」！
