《賽馬日在線》真係愈做愈好，幾個主持勝在有感情，講 唔使就住就住，你窒下我，我窒下你，係咁先夠過癮。
男主持之中，安西教練最有性格，捉冷馬特別精，大情大性，肯定嗌馬拍爛 一類豪情之士。相信個別「奸的網友」亦知佢直腸直肚，久不久刻意留言撩佢起火。西哥記住，唔好中招陪佢 癲。
坐鎮女主持Win姐外形斯斯文文……哈哈，上次有丁多口網友問可否約佢去街，點知不但冇拋窒Win姐令到佢面紅，反之大返轉頭：「咁你放馬過 啦，入 工業 搵我啦！」
夠晒娛樂性。唔知丁多口友可有放膽跟進？
另一位客席嘉賓，每日只畀三幾隻貼士，每次閃出一分鐘左右，叫叻姐Colette，爽朗開放，雖不常中，但一中不得了。
例如上次賽事，佢就比一隻二十五倍超級大冷、完全冇跡可尋的「平行時空」，指此馬在外地於長途賽事表現甚佳。叻姐屬後起之秀，暫時冇乜龐大影響力。貼完，閘前竟跌到三十二倍，位置都有九倍。嘩，大蛤 ！
我一睇電算機，「平行時空」W、P愈賣愈冷，但閘前兩分鐘，竟然有人（集團）瘋狂落Q及PQ全餐，立即啡燈出現。資深馬迷稱此為「燈神」，闔該有事，一定要跟一注。
幸好仍有一分鐘，我即跟十蚊雞，一拖十三隻Q及PQ全餐，共二百六十大元，睇佢點跑？
開閘沿途在尾，騎師薛恩好整以暇，入直路時仍混在馬叢，唔似有機會。點知最後一百米，嘩，一騎就有，到五十米時已肯定入Q，當然中正！Q派一千零九十七元，兩條PQ共派一千四百元！
當日陳華棟亦貼中沉底騎師黃俊之三十五倍大冷「忠肝義膽」。叻姐及棟哥唔知有冇人工加呢？
《賽馬日在線》要彈的是Level及出片，仍然非常「業餘」也，要打兩鞭 ！
今晚跟紅頂白，捧「現代馬佳善」（擅長放頭，死「隊」到尾）希威森短途好檔的「各取所需」及「星耀王者」，二串一WP過關！
