做過公職者，必定知道乜係LTT（Line To Take）。舉世政府皆極重視，因如此，政府或政權才能畀人見到團隊精神、紀律性及一條心。因若政出多門，一人講一樣，必令國民及市民無所適從，繼而懷疑權力中心搞緊乜，究竟邊個話緊事呢？
小弟做過幾十年公務員，當知凡向外發言，有關部門的一切，必須先與上司取得默契。
因為若你代表部門發放任何訊息，間接亦代表政府。故此，必須口徑一致，取得LTT後才見記者或向外間團體，發表言論。若冇做呢步，大件事。因分分鐘你講完畀上司拉去省，又或者公開指你講的是錯誤訊息，並不代表政府立場。咁咪瘀爆要搵窿捐？
有感而發，因覺得近月政府發放訊息，真的非常混亂，經常前言不對後語，朝令卻即夕改。這個已非「偏見」，而是絕大部分市民的親身感受，故才出現紛指「對政府冇信心」。
發展到如今，我的觀察，也有多少LTT散晒之感。因政府防疫團隊，由大群專家及高層官員組成。設計的政策，理應傾完又傾、度完又度才出籠。例如強制檢測，涉及全民，絕對不能「求求其其」又或者「講完又變，講完又變」。
但市民睇到的，是政府明顯十五十六。本來，繼續考慮中，冇問題。問題在政府的一眾醫療顧問及專家天天發言，又上電台，又見記者，所講的日日有新睇法。弊在冇人知道佢 是否講緊LTT，又或者只在講個人立場。
於是， 緊的全民強檢，又有散散 現象。
例如，香港大學感染及傳染病中心總監何柏良高調指出，群體免疫已爆破，故力爭全民打三針，更勝全民檢測。
同日另一專家袁國勇教授又公開表示，「全民檢測作用已不大」，護老院院友也錯過了最佳接種時機。
咁咁咁，即係點呀？當政府仍然堅持度緊全民檢測安排，隔離營狂起，佢兩個就話冇用 啦。
正常公務員，一定已經炒 ！
