（曾智華）
香港地，投資商品N咁多種，多年來幾乎必賺的，只有買樓一種。
這個並非投資者精明過人，只是純因政府的高地價政策，令樓市不停飛升，再加上美國亂印銀紙，搞到利息近乎零，自然通貨狂脹，樓市正是受惠的商品。
不過，樓市之外，投資者買乜也有八成機會損手爛腳，包括股票。
小弟凡做「退休投資分享會」，例必千叮萬囑，請小股民切勿亂買股票，因這個鱷魚潭龍蛇混雜，罕有對小股民具良心的大股東。事實，雖然有幾千隻股票，真正值得投資的，只得十隻八隻！
大股東搵小投資者笨其中一種手法，為將股票價位舞高弄低。若能搞到低低時，就反手來一招私有化，令散戶哭笑不得。
點解？因若佢成功通過私有化，等於成 肥豬肉吞晒，食剩先畀少少皮你。
若唔通過，又係弊。因大股東持貨極多，絕對可以令股價再低處未算低。這情況下，你除非同佢天長地久鬥長命，否則，唔知股價幾時會浮返上水面。
最新例子，當然是華人置業。出價擺明令小股東 過辣雞咁低，當然被否決，就此出現攬炒情況。復牌半日即一度插三成半，死未？你係小股東， 住呢類股票，只可喊三聲。
另一隻雷蛇也如是，二○一七年上市，IPO三點八八元。衰 幾年後，今年開始賺錢，竟立即宣布以二點九二元私有化。你話係咪當小股東豬頭？蝕就陪你捱「投資期」。一開始賺，就畀個衰價想全部據為己有？呢個大股東立下乜心腸呢？
另一單又係令人氣頂，連鼎鼎大名的馮國經家族也如是。利豐去年股價跌至五毫時（有冇人知點解可以「質」到咁低？），好似好慷慨，提出每股一點二五元，總共付出一○七億元私有化。當小股東以為「執到寶」時，原來佢搞掂後，一個轉身以二百八十一億元賣掉畀全球最大貨櫃集團「馬士基」，一來一回賺 超過七十億元。
小股民會點睇呢 「大人物」？
