曾智華
旅遊日本仙台，經第一個景點下車去「殊殊」，哎呀哎呀，乜咁\u35ce？
乜事，正是公廁內有大大幅告示，用簡體字寫上：「這\u88cf的馬桶都是很乾淨的，不要踩在馬桶邊緣蹲下，要坐上去！」
注意，全個告示冇一個「請」字，語氣是訓令，顯示刊出者非常勞氣，變成直接指令。
日本人守禮清潔世界著名，本來關起國門一切冇問題，問題在需要賺外匯，只得靠旅遊，咁就\u22ef\u22ef打開門做生意，不能明刀明槍唔做某\u5572國家遊客，以免被指歧視。但國門一開，真的是「七彩文化」遊客也會爭相湧來，你乾淨佢唔乾淨，你守禮佢唔守禮，咁點呢，拉佢？認真頭痛，唯有婉轉相勸。但遇到對方自以為是大爺，有錢大晒，我係客人，你要容忍。
不少遊客這種態度、這種行為，嚴重衝擊了日本人的文化底線，故此火都\u569f埋，才有文首的「日本式」訓令告示貼在公廁。
這個絕非單一事件，更令人尷尬的告示，肯定陸續有來。
第二晚Check-in一間非常優雅溫泉酒店，職員遞上幾張設備介紹與溫馨提示，全中文，即係畀中國籍客人睇啦，內容非常\u22ef\u22ef總之冇癮啦！
「情非得已，敬請原諒！由於以下事件頻頻發生，實在無奈必須訂立規矩！
一、使用花灑口清洗排泄物時，切勿讓排泄物卡住排水口，發生惡臭。若有上述行為，將收取清潔賠償費五萬日圓（喂喂，邊個會缺德成咁\u35ce，簡直佗衰家）。
二、禁煙房內吸煙，危害別人安全及享用無污染舒適環境，若有違反，罰款五萬日圓。」
大家可有見過以上「告示」在其他城市酒店出現？為何只在這\u88cf的酒店？是否有某類客人特別變態？又或刻意針對某酒店？
