(曾智華)
上周五那篇《你介紹間 唔掂喎》，引起為食界及飲食界非常熱烈反應。
可能大家肚內苦水及怨鬱太多，故我寫出幾點「命中」原因，立時盡情傾吐。
慘慘慘！寫此稿時，又收到噩耗！
乜事？本來小弟周五訂 紅磡蕪湖街老牌廣東菜「紫荊閣」，為有「水哥」之稱的公關界殿堂級人物張樹槐慶祝，因「水哥」以咁 年紀（已退休），仍可以 聲跑畢一百項國際馬拉松，大班好友除寫個「服」字之外，更排隊祝賀。
點知 唉，真真冇癮到震，上周五手機彈出「紫荊閣」老闆娘藍小姐訊息：「曾先生，早晨！真係唔好意思，十一月五日的訂 ，無法再為你服務喇，因『紫荊閣』決定十月三十一日晚結業。遲 通知你，因公司昨晚開會才作決定，真的對不起。」
我睇完，呆一呆，認識藍小姐及幫襯「紫荊閣」經已幾十年。上世紀八十年代開始，不時與輝哥及大群香港電台同事殺去歎懷舊菜。當年位置在窩打老道培正小學對面，非常旺場，老顧客眾多，因懂得做懷舊點心及菜式的老師傅日比日少，所以，一想懷舊，就去「紫荊閣」。
後來被逼結業，無他，加租加到無法頂下去也。
當時我同輝哥仍不停聯絡藍小姐，鼓勵佢搵到新鋪位東山再起，我 必拉隊支持！
終於幾年前搵到蕪湖街「逸．酒店」一樓，地方雅緻，令人可以舒舒服服的歎美食。
不過，你知我知大家知，二○一九年開始，任何食肆皆苦過Dee Dee，社會運動立立亂，再加疫情殺到，有邊家食肆唔蝕到眼坦坦？
讀者應知小弟有幾上心，困境時仍頻頻拉隊幫襯呢家、搞旺那家，望盡少少綿力。就如此，交下不少業內真心朋友，患難見真情也。
「紫荊閣」藍小姐正是其中一位。起初以為大疫已過，患難之後慢慢有好日子過。事實近期飲食業也回復多少生氣，大量酒家在消費券影響及請到D區後，人潮復現。但「紫荊閣」竟然竟然……
