(曾智華)
一篇專欄激起千重浪。相信若小弟出馬選議員，必定一擊即中，因完全知道民間最\u3deb過火屎而政府又冇乜做\u5622的範籌，例如醫療保險集團日日冇王管亂撳水魚！
上周收到第三張醫保年費預繳單，一睇立即彈起，因乜都唔列出、唔解釋，就通知12月自動轉帳四萬多元下期費用。
個心立即MM聲：「我頂佢頭槌，三年前第一次投保二萬幾元，三年後變四萬幾元？我一次都未Claim過，點解斬到我一頸血？」
文章刊出後，放上個人社交平台，嘩嘩嘩，回應簡直排山倒海，個個齊聲問候完醫療保險集團，再問候政府，怒火一發不可收拾。
小弟在大學上經濟課，教授介紹一個名詞——市場失效（Market Failure）。佢指出，資本主義社會自由市場，一般運作由商界互相競爭互相制衡，政府唔應該無端端插手。不過，幾時必須插手呢？正正是市場失效情況出現。
例如大集團打龍通，\u67b1面扮競爭，\u67b1底則靜雞雞搞好默契（最佳例子是香港的汽油公司）。另外，若遇到壟斷情況冇得競爭時，政府也要監管，例如公共事業，以及食物商獨家入口，影響民生。
好\u561e，如今有兩樣\u5622，香港人真係嬲到震，一為強積金供款。早年個個被撳到發晒火，明畀基金經理「打劫」，嘈到拆晒天後，政府才認認真真由積金局出手，雖效果仍然麻麻，但起碼回應社會怒吼。
好\u561e，早幾年為減輕公共醫療負擔，又鼓勵大家參與自願醫保計劃。嘩嘩，即時又有天文數字金錢湧去狂益各大保險集團——肥到著唔到襪，一於當市民水魚及鷓鴣咁亂撳。
今天，由小弟發起，組織反醫保搶錢大聯盟，為民請命，呢鋪必須先拉政府落水。
